Bokuda boʻlib oʻtgan ITB guruhi yigʻilishi doirasida 260 million dollarlik kelishuvlar imzolandi

Birinchi kunning muhim tadbirlaridan biri Ozarbayjon Iqtisodiyot vazirligi hamda Ozarbayjon Eksport va investitsiyalarni rag‘batlantirish agentligi ko‘magida tashkil etilgan Investitsiya forumi bo‘ldi. Muhokamalarda mamlakatning sarmoyaviy muhiti, infratuzilmani rivojlantirish, ko‘chmas mulk bozori, qayta tiklanadigan energiya manbalari, shuningdek, yashil moliyalashtirish va mintaqaviy hamkorlik masalalari muhokama qilinadi Forum ochilishida Ozarbayjon Iqtisodiyot vaziri Mikail Jabborov so‘zga chiqib, mazkur tadbir xalqaro iqtisodiy hamkorlikni kengaytirish va islom moliya institutlari bilan sheriklik aloqalarini mustahkamlashga xizmat qilayotganini ta’kidladi Yig‘ilish chog‘ida Islom taraqqiyot banki guruhi tarkibiga kiruvchi Xalqaro islom savdo-moliya korporatsiyasi umumiy qiymati 260 million dollarlik bir qator bitimlarni imzoladi Ulardan eng kattasi Gambiya bilan energiya, oziq-ovqat xavfsizligi, sog'liqni saqlash, qishloq xo'jaligi va xususiy sektorni qo'llab-quvvatlashni nazarda tutuvchi 250 million dollarlik uch yillik shartnoma bo'ldi Bundan tashqari, Tojikiston bilan paxta va paxta mahsulotlari savdosini qo‘llab-quvvatlash uchun 10 million dollar ajratish bo‘yicha kelishuv imzolandi. Mablag‘lar fermerlardan xomashyo xarid qilish va sohaning eksport salohiyatini rivojlantirishga yo‘naltiriladi Jahon banki guruhi tarkibiga kiruvchi Xalqaro moliya korporatsiyasi bilan ham hamkorlik shartnomasi tuzildi. Hujjat Islom hamkorlik tashkiloti mamlakatlarida savdoni moliyalashtirish imkoniyatlarini kengaytirishga qaratilgan Islom taraqqiyot banki guruhining yillik yig‘ilishi 19-iyunga qadar Bokuda “Barqaror farovonlik uchun mintaqaviy integratsiya” shiori ostida bo‘lib o‘tadi. Forum sarmoyaviy, iqtisodiy hamkorlik va barqaror rivojlanish masalalarini muhokama qilish uchun platforma vazifasini o‘taydi May oyi boshida Bokuda “Uy-joy hamma uchun: xavfsiz va barqaror shaharlar va aholi punktlari” shiori ostida WUF13 forumi boʻlib oʻtgan edi