Turkiyada olti yoshli o‘zbekistonlik bola tramvay ostida qolib, vafot etdi (video)

8-iyun kuni Istanbulning Fotih tumani Laleli hududidagi tramvay bekatida sodir bo‘lgan baxtsiz hodisa oqibatida olti yoshli O‘zbekiston fuqarosi halok bo‘ldi, deb xabar berdi Halk TV O‘zbekistonning Istanbuldagi Bosh konsulligi ham bu xabarni tasdiqladi. Konsullik maʼlumotlariga koʻra, bola ota-onasi va qarindoshlari bilan Turkiyaga sayyoh sifatida kelgan Dastlabki ma’lumotlarga ko‘ra, voyaga yetmagan bola tramvaydan tushganidan so‘ng platforma va tramvay relslari orasida qolib ketgan. Avtomobil harakatlana boshlaganida, u og‘ir tan jarohatlari olib, voqea joyida vafot etgan Hozirda Turkiya huquq-tartibot idoralari voqea yuzasidan surishtiruv ishlarini olib bormoqda “O‘zbekiston Respublikasining Istanbul shahridagi Bosh konsulligi marhumning oila a’zolari va yaqinlariga chuqur hamdardlik bildiradi hamda zarur konsullik-huquqiy yordam ko‘rsatish choralarini ko‘rmoqda”, — deyiladi xabarda Bosh konsullik fuqarolarga Istanbulning yirik metropol sifatidagi gavjum yoʻl va jamoat transporti infratuzilmasini hisobga olishni, voyaga yetmaganlarni qarovsiz qoldirmaslikni va ularning xavfsizligiga alohida eʼtibor qaratishni tavsiya qildi Avvalroq Turkiyada 29 yoshli o‘zbekistonlik ayol o‘z joniga qasd qilgani xabar qilingandi