Si Szinpin Pxenyanga yetti yil ichida birinchi marta keldi va Kim Chen In bilan uchrashdi

Xitoy rahbari Si Tszinpin so‘nggi yetti yil ichida ilk bor Pxenyanga keldi va Shimoliy Koreya yetakchisi Kim Chen In bilan muzokara o‘tkazdi. Tomonlar savdo, qishloq xo‘jaligi, qurilish va texnologiya sohalarida hamkorlikni chuqurlashtirishga kelishib oldilar, deya xabar bermoqda Associated Press Pxenyanning bosh maydonidagi tantanali kutib olish marosimida Kim Chen In Si Szinpin tashrifini Xitoy-Shimoliy Koreya munosabatlari daxlsizligining “vizual dalili” deb atadi Si Tszinpin, o‘z navbatida, strategik hamkorlikni mustahkamlash va ikki davlat suvereniteti va xavfsizlik manfaatlarini birgalikda himoya qilishga chaqirdi AP bilan suhbatlashgan ekspertlar ushbu tashrifni Pekinning Shimoliy Koreyaning Rossiya bilan yaqinlashishi fonida zaiflashgan Pxenyanga ta'sirini tiklashga urinishi sifatida baholamoqda. Ukrainada urush boshlanganidan keyin Kim Chen In, agentlik taʼkidlaganidek, iqtisodiy va harbiy yordam evaziga Rossiyaga qoʻshin va qurol yuborgan. Bu, tahlilchilarga ko‘ra, Xitoyning Shimoliy Koreyaning asosiy tashqi hamkori sifatidagi an’anaviy rolini shubha ostiga qo‘ygan Shu bilan birga, ekspertlarning fikricha, Si Tszinpin, ehtimol, yadrosizlanish masalasida Kim Chen Inga bosim o‘tkazmaydi. Pxenyan uchun bu masala uning xalqaro miqyosda yadroviy davlat sifatida tan olinishi istagi bilan bog‘liq Tashrif arafasida Shimoliy Koreya yetakchisining singlisi Kim Yo Chen AQShning KXDRni yadroviy qurolsizlantirish bo‘yicha talablarini “anaxronistik orzu” deb atadi. O'tgan hafta Kim Chen Inning o'zi qurolga mo'ljallangan yadroviy materiallar ishlab chiqaradigan yangi zavodga tashrif buyurdi va yadro arsenalining "eksponensial" o'sishi rejalarini e'lon qildi Pxenyanga tashrif Si Tszinpin va Donald Tramp va Vladimir Putinning may oyida Pekinda boʻlib oʻtgan qator uchrashuvlaridan soʻng amalga oshirildi. Koreya yarim oroliga ta’sirini namoyish qilib, Pekin Si Szinpinning sentabr oyida AQShga kutilayotgan tashrifi oldidan o‘z pozitsiyasini mustahkamlamoqda, deydi ekspertlar AQSh prezidenti Donald Tramp avvalroq Kim Chen In bilan diplomatik muloqotni tiklash istagini bildirgan edi