Serbiya Bolqondagi yirik gaz tranzit markaziga aylanishni maqsad qilgan

Serbiya mintaqaviy energetika arxitekturasidagi rolini kuchaytirishni va Bolqondagi asosiy gaz tranzit markazlaridan biriga aylanishni rejalashtirmoqda “Report”ning Serbiya OAVlariga tayanib xabar berishicha, bu haqda Serbiya konchilik va energetika vaziri Dubravka Jedovich-Xandanovich Afinada bo‘lib o‘tgan Energiyaga o‘tish bo‘yicha sammitda ma’lum qilgan Uning so‘zlariga ko‘ra, Belgrad milliy gaz transporti tizimining imkoniyatlarini kengaytirish va mintaqaning Yevropa energetika bozorlari bilan infratuzilmaviy aloqasini mustahkamlash niyatida Vazirning qayd etishicha, Bolqon yarim oroli gaz va elektr energiyasi sohasida Yevropa bilan yaqinroq integratsiyaga muhtoj. Bunga erishish uchun u mintaqaning energiya xavfsizligini yaxshilash uchun yangi sarmoya va infratuzilma loyihalari zarurligini taʼkidladi Jedovich-Xandanovichning aytishicha, Serbiya hozirdanoq Shimoliy Makedoniya va Gretsiya bilan gaz konnektori loyihasini amalga oshirmoqda. Bundan tashqari, mamlakat gaz infratuzilmasini rivojlantirish va o‘z hududidan o‘tuvchi mintaqaviy yo‘nalishlar o‘tkazuvchanligini oshirish uchun 1,2 milliard yevro ajratishni rejalashtirmoqda Belgradning maqsadi - Serbiya orqali gaz tranziti hajmini yiliga 20-25 milliard kub metrgacha oshirish. Serbiya bosh vaziri Djuro Matsut bir muddat avval mamlakat yaqin yillarda energiya taʼminoti manbalarini diversifikatsiya qilish niyatida ekanligini va Vertikal gaz yoʻlagi loyihasiga qoʻshilishi mumkinligini aytdi Ushbu loyiha Gretsiyadan suyultirilgan gazni Markaziy va Sharqiy Yevropa mamlakatlariga yetkazib berish yoʻnalishini yaratishni nazarda tutadi. 2025-yil yanvarida Rossiya gazining Ukraina orqali tranziti toʻxtatilganidan keyin u mintaqani muqobil energiya bilan taʼminlash yoʻllaridan biri hisoblanadi Ulardan foydalanishda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir