Hindistondagi mehmonxonada sodir bo‘lgan yong‘in oqibatida qirg‘izistonlik bir oila halok bo‘ldi

3-iyun kuni Nyu-Dehlidagi mehmonxonada sodir bo‘lgan yong‘inda Qirg‘izistonning uch fuqarosi halok bo‘ldi.Mehmonxonada sodir bo‘lgan yong‘inda 21 kishi, jumladan, 12 nafar xorijlik halok bo‘ldi Halok bo‘lgan Qirg‘iziston fuqarolari bir oila a’zolaridir. 24.kg xabar berishicha, bular uch avlod vakillari. O‘shlik 50 yoshli Nargiz Qo‘chqorovaga yaqinda jigar ko‘chirib o‘tkazildi. Uning 23 yoshli o‘g‘li transplantatsiya uchun donor bo‘lgan. Bemorning 76 yoshli onasi ular bilan birga vafot etgan. Nargiz Qo‘chqorovaning vatanida ikki nafar voyaga yetmagan farzandi qolgan Qirg‘izistonning Hindistondagi elchixonasi halok bo‘lganlarning jasadlarini mamlakatga jo‘natish bo‘yicha hujjatlarni rasmiylashtirishni boshladi, deya qo‘shimcha qiladi 24.kg Florist Inn mehmonxonasida yong‘in bugun ertalab boshlangan. Taxminlarga ko‘ra, yong‘in binoning birinchi qavatidagi restoranda sodir bo‘lgan va tezda tarqalib, yuqori qavatlardagi odamlarni qamab qo‘ygan. Reuters xabariga ko‘ra, voqea guvohlari va mahalliy aholi derazadan sakrab chiqayotgan odamlarni qutqarishga harakat qilgan. Ular jabrlanganlarning yiqilib tushishini oldini olish uchun yaqin atrofdagi do‘kondagi matraslardan foydalanishgan. Jami 49 kishi kasalxonaga yotqizilgan Politsiya bino egasini hibsga oldi va tergov boshladi Mehmonxona yaqin atrofdagi shifoxonada davolanayotgan bemorlar va ularning yaqinlari orasida mashhur edi. Yong‘in qurbonlari orasida qirg‘izistonliklardan tashqari Bangladesh, Nigeriya, Mozambik va Liberiya fuqarolari ham bor Bosh vazir Narendra Modi halok bo‘lganlarning oila a’zolariga hamdardlik bildirdi va hukumat jabrlanganlarga yordam berayotganini aytdi Hindistonga tibbiy turizm Qirg'iziston fuqarolari uchun nisbatan mashhur yo'nalish hisoblanadi, chunki u erda xizmatlar narxi Evropa, Turkiya yoki Janubiy Koreyaga qaraganda ancha past Azattyq Asia – Ozod Yevropa/Ozodlik radiosining Markaziy Osiyo bo‘yicha rus tilidagi bo‘limi, Ozodlik radiosi Azattyk Asia © 2026 RFE/RL, Inc. | Barcha huquqlar himoyalangan