Samolyot Denver aeroportining uchish-qo'nish yo'lagida odamni o'ldirdi

Frontier Airlines aviakompaniyasiga tegishli samolyot Denver xalqaro aeroportida (AQSh) uchish-qo‘nish yo‘lagida bir odamni urib yubordi, natijada jabrlanuvchi halok bo‘ldi va bortdagi 12 kishi yaralandi Bu haqda aeroport vakillari bayonotiga tayanib Wall Street Journal (WSJ) yozmoqda Qayd etilishicha, mahalliy vaqt bilan yarim tunda erkak panjaradan sakrab o‘tgan va uchish-qo‘nish yo‘lagini kesib o‘tmoqchi bo‘lganida deyarli darhol samolyot urib ketgan U olgan jarohatlaridan vafot etdi. Jabrlanuvchi aeroport xodimi emasligi taxmin qilinmoqda; uning shaxsi hali aniqlanmagan. AQSh transport vaziri Shon Daffining so‘zlariga ko‘ra, uchuvchi zudlik bilan samolyotni to‘xtatib, dvigatel yonishi haqida aviadispetcherlarga xabar bergan Samolyot bortida 231 yo‘lovchi bo‘lgan. Ularni uchish-qo‘nish yo‘lagiga olib chiqib, evakuatsiya qilishga qaror qilindi. Hodisa oqibatida 12 kishi yengil tan jarohati olgan, ulardan besh nafari shifoxonaga yotqizilgan