Saida Mirziyoyeva AQSh savdo vaziri o‘rinbosari bilan uchrashdi

O‘zbekiston Prezidenti Administratsiyasi rahbari Saida Mirziyoyeva AQSh savdo vaziri o‘rinbosari Devid Fogel bilan uchrashdi. Uchrashuv haqida Mirziyoyeva Telegram-kanalida yozdi Xabarga koʻra, uchrashuvda Oʻzbekiston va AQSh oʻrtasidagi hamkorlik, jumladan, savdo, sarmoya va sheriklikning yangi yoʻnalishlari muhokama qilindi "Ayni paytda Amerika ishbilarmon doiralarida mamlakatimizdagi sarmoyaviy va infratuzilma loyihalariga qiziqish ortib bormoqda. Bu e'tibor yaqin kelajakda aniq kelishuvlarga, yangi ish o'rinlari va iqtisodiyot uchun keng imkoniyatlarga aylanishi juda muhim", - deyiladi bayonotda Suhbat chog‘ida ikki mamlakat tadbirkorlari o‘rtasida o‘zaro manfaatli muloqot va amaliy aloqalarni yo‘lga qo‘yishga ko‘maklashayotgan Amerika-O‘zbekiston biznes va sarmoyaviy kengashi faoliyatiga alohida e’tibor qaratildi Eslatib o‘tamiz, joriy yilning 6 aprel kuni Vashingtonda Amerika-O‘zbekiston biznes va sarmoyaviy kengashi o‘z faoliyatini rasman boshlagan edi. Maqsad – qo‘shma biznes tashabbuslari uchun mustahkam institutsional asos yaratish. Ochilish marosimida O‘zbekiston Prezidenti Administratsiyasi rahbari Saida Mirziyoyeva, AQShning Janubiy va Markaziy Osiyo bo‘yicha maxsus vakili, elchi Serjio Gor hamda O‘zbekistonning AQShdagi elchixonasi maslahatchi-elchisi, Prezident ma’muriyatining AQShdagi vakili Komil Allamjonovlar ishtirok etdi Avvalroq Saida Mirziyoyeva O‘zbekiston va AQSh qo‘shma sarmoyaviy platformani ishga tushirishni rejalashtirayotgani haqida ma’lum qilgandi