Sadir Japarov Seyshel orollari tashqi ishlar va diaspora vazirini qabul qildi

Qirg‘iziston Prezidenti Sadir Japarov Cho‘lpon-Ota shahrida Seyshel orollari tashqi ishlar va diaspora vaziri Barri Forni qabul qildi Ikki tomonlama hamkorlikni rivojlantirish, jumladan, siyosiy muloqotni mustahkamlash, savdo-iqtisodiy va madaniy-gumanitar aloqalarni kengaytirish masalalari muhokama qilindi Qirg‘iziston Respublikasi Prezidenti matbuot xizmati xabariga ko‘ra, Sadir Japarov Qirg‘izistonning Afrika davlatlari bilan o‘zaro aloqalarini chuqurlashtirish istagini qayd etib, geografik olislikda bo‘lishiga qaramay, hamkorlikni kengaytirish uchun salmoqli salohiyat mavjudligini ta’kidladi Tomonlar sarmoya, turizm, moliya va raqamli texnologiyalar sohalarida hamkorlik istiqbollarini ham muhokama qildilar Turizm sanoatini rivojlantirish va raqamli transformatsiya qilish maqsadida tajriba almashish, shuningdek, “Tamchi” maxsus moliyaviy investitsiya hududi va “Uchqun” OAJ orqali hamkorlikni yo‘lga qo‘yishdan o‘zaro manfaatdorlik qayd etildi Vazir Barri For Seyshel orollari Respublikasi Prezidenti Patrik Germinining salomini yetkazdi. Bundan tashqari, xalqaro kun tartibidagi dolzarb masalalar, jumladan, iqlim oʻzgarishi va barqaror rivojlanish masalalari yuzasidan fikr almashildi Birlashgan Millatlar Tashkiloti doirasida sa’y-harakatlarni muvofiqlashtirish muhimligi ta’kidlandi Uchrashuv yakunlari bo‘yicha tomonlar Qirg‘iziston-Seyshel orollari hamkorligini yanada mustahkamlashga tayyor ekanliklarini tasdiqladilar. So‘nggida Qirg‘iziston Respublikasi Prezidenti Seyshel orollari Prezidenti Patrik Germinining salomini yetkazdi va uni qulay vaqtda Qirg‘iziston Respublikasiga tashrif buyurishga taklif qildi