Sadir Japarov Qirg‘iziston xalqini Konstitutsiya kuni bilan tabrikladi

Prezident Sadir Japarov bugun, 5-may kuni Qirg‘iziston xalqini Qirg‘iziston Respublikasi Konstitutsiyasi kuni bilan tabrikladi Hurmatli Qirg'iziston xalqi! Hurmatli vatandoshlar! Sizlarni bugungi muhim milliy bayram – Qirg‘iziston Respublikasi Konstitutsiyasi kuni bilan chin qalbimdan tabriklayman! Bundan 33 yil muqaddam Konstitutsiyamizni qabul qilib, o‘z taqdirimizni belgilab berdik, shu bilan birga mustaqil davlatchilik poydevorini yaratdik, inson huquq va erkinliklarini oliy qadriyat deb e’lon qildik Konstitutsiyamiz oliy yuridik kuchga ega bo‘lgan huquqiy hujjatdir. U milliy mafkuramizning manbai va milliy o‘zlikni anglashning asosiy belgilarini belgilab beruvchi hujjatdir. Ko‘p millatli mamlakatimizda hamjihatlik va barqarorlikni mustahkamlovchi mafkuraviy o‘za bo‘lib xizmat qilmoqda, shu tufayli har bir fuqaro o‘z xavfsizligiga ishonch hosil qiladi. Shunday ekan, uning har bir moddasiga hurmat barchamiz uchun eng muhim tamoyil bo‘lishi kerak Bugun, jahon miqyosidagi jadal o‘zgarishlar davrida Konstitutsiyamiz millatning buguni va kelajagini belgilab beruvchi qadriyatlarni o‘zida mujassam etgani bilan mamlakatimiz huquqiy tizimining cho‘qqisiga, taraqqiyot poydevoriga aylandi. Yangi Qirg‘iziston qurish yo‘lida Konstitutsiyamiz zamon bilan hamnafas harakat qilish va ayni paytda milliy manfaatlarga amal qilishni belgilab beradi Ayni paytda demokratik huquqiy davlat barpo etib, suveren xalqimiz irodasi bilan qabul qilingan Konstitutsiyamizga hurmat bilan qarash orqali o‘z oldimizga qo‘ygan maqsadlarni amalga oshirmoqdamiz Konstitutsiyamizning har bir harfi va yuksak ma’naviyatini to‘g‘ri idrok etish va unga qat’iy amal qilish, kelajak avlodni Asosiy Qonunimizga, xalqimizning ko‘p asrlik boy tarixiga, an’analari, merosi va halol mehnatiga hurmat ruhida tarbiyalash eng muhim vazifamizdir Konstitutsiya qoidalari va xalqimiz donoligiga tayanib, biz mustaqil, xavfsiz va rivojlangan yangi Qirg‘izistonni barpo eta olishimizga qat’iy ishonaman. Har bir yurtdoshimizga mustahkam sog‘lik, farovon hayot tilayman. Jonajon Qirg‘izistonimiz gullab-yashnasin va rivojlansin! Taraqqiyotda bosh yo‘l-yo‘riq va bosh suyanch bo‘lmish Konstitutsiyamiz barchamizga barakali bo‘lsin! Bayramingiz muborak bo'lsin!