Sadir Japarov “El plast” zavodiga tashrif buyurib, O‘sh shahridagi Oq-Buura daryosining tozalanishini ko‘zdan kechirdi

Qirg‘iziston Respublikasi Prezidenti Sadir Japarov O‘sh shahriga amaliy tashrifi chog‘ida “El plast” polimer quvurlari ishlab chiqarish korxonasida bo‘lib, Oq-Buura daryosi o‘zanini tozalash ishlarini ko‘zdan kechirdi, deya xabar bermoqda davlat rahbari matbuot xizmati Yiliga 15 ming tonnagacha mahsulot ishlab chiqarish quvvatiga ega “El plast” korxonasida suv taʼminoti va kanalizatsiya tizimlari uchun quvurlar ishlab chiqarilmoqda. Zavodda Rossiya, Eron va Xitoydan polietilen granulalardan foydalanilib, “Taza suv” milliy loyihasi, shuningdek, davlat idoralari va xalqaro tashkilotlarga mahsulot yetkazib berilmoqda Davlat rahbari tashrif doirasida Oq-Buura daryosini obodonlashtirish ishlarining borishini ham o‘rgandi. Favqulodda vaziyatlar vaziri Kanatbek Chiniboyevning ma’lum qilishicha, mutaxassislar daryoning 17 kilometr o‘zanining holatini tahlil qilgan. Tozalash ishlariga 24 million so‘m mablag‘ ajratilib, 22 birlik maxsus texnika jalb etildi