Sadir Japarov Botken viloyatiga qisqa muddatli sayohatga chiqdi (foto)

Bugun, 6-may kuni Sadir Japarov Botken viloyatiga qisqa muddatli sayohati chog‘ida Qirg‘iziston, Tojikiston va O‘zbekiston davlat chegaralari tutashgan joyda o‘rnatilgan “Do‘stlik stelasi” hamda “Do‘stuk” xalqaro savdo-iqtisodiy bog‘i konsepsiyasi bilan tanishdi. Bu haqda Prezident Administratsiyasining Axborot siyosati xizmati xabar berdi Prezidentga uch davlat chegarasida joylashgan “Do‘stuk” xalqaro savdo-iqtisodiy bog‘i qurilishi loyihasining bosh rejasi taqdim etildi. Taqdim etilgan konsepsiyaga koʻra, umumiy maydoni 100 gektar boʻlgan majmua maʼmuriy, turizm, logistika, ishlab chiqarish, savdo va park hududlarini oʻz ichiga olishi mumkin. Loyiha savdo-logistika aloqalarini rivojlantirish, sarmoyalarni jalb qilish va yangi iqtisodiy imkoniyatlar yaratishga qaratilgan Loyiha amalga oshirilsa, besh mingdan ortiq ish o‘rni yaratilishi, transchegaraviy savdo hajmi oshishi kutilayotgani qayd etildi Shuningdek, konsepsiyada turizm infratuzilmasini rivojlantirish, madaniy-gumanitar aloqalarni mustahkamlash va Buyuk ipak yo‘lining tarixiy merosini targ‘ib etishga xizmat qiladigan xalqaro madaniy tadbirlar, etnik festivallar va ko‘rgazmalar o‘tkazish ham nazarda tutilgan Davlat rahbari Qirgʻiziston, Tojikiston va Oʻzbekiston oʻrtasidagi yaxshi qoʻshnichilik munosabatlarini yanada mustahkamlash muhimligini taʼkidlab, mintaqa barqarorligi va barqaror rivojlanishi uchun qoʻshma infratuzilma va iqtisodiy tashabbuslar strategik ahamiyatga ega ekanini taʼkidladi