Sadir Japarov “Moviy Issiqko‘l” sanatoriysining yangi binosini ochdi

Prezident Sadir Japarov 7 may kuni Cho‘lpon-Ota shahridagi “Moviy Issiqko‘l” sanatoriysining 60 yilligiga bag‘ishlab yangi binosini foydalanishga topshirdi. Muassasa uch qavatli bino bo‘lib, 97 o‘ringa mo‘ljallangan. Bu haqda davlat rahbari matbuot xizmati xabar berdi Qayd etilishicha, ushbu binoning qurilishi so‘nggi 40 yil ichida sanatoriy hududida amalga oshirilgan ilk yirik qurilishdir. Davlatimiz rahbari mazkur majmuada yaratilgan sharoitlarni ko‘zdan kechirdi, umumiy modernizatsiya ishlari yakunlari bilan tanishdi Prezidentimiz sanatoriy-kurort muassasalarining Prezident Administratsiyasi tasarrufiga o‘tkazilishi sohaning iqtisodiy ko‘rsatkichlari o‘sishini ta’minlaganini ta’kidladi. Oxirgi ikki yilda Moviy Issiqko‘lning sof foydasi ikki baravardan ziyod oshdi. Bu nafaqat infratuzilmaga sarmoya kiritish, balki xodimlarning ish haqini oshirish imkonini berdi Hozirda “Issiq-Ota”, “Jeti-O‘g‘uz” sanatoriylari, “Jyrg‘alon” oromgohi, “Ulan” bolalar markazida ham ana shunday islohotlar amalga oshirilmoqda. Prezident Qirg‘iziston bundan keyin ham sanatoriy-kurort sanoatini rivojlantirish uchun tabiiy imkoniyatlardan samarali foydalanishini ta’kidladi