Markaziy Osiyo – Rossiya: ekologik hamkorlikning ustuvor yo‘nalishlari muhokama qilindi

Tadbirda O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirining o‘rinbosari Jusipbek Kazbekov, Rossiya Federatsiyasi tabiiy resurslar va atrof-muhit vaziri o‘rinbosari Dmitriy Tetenkin, Qozog‘iston Respublikasi Ekologiya va tabiiy resurslar vaziri o‘rinbosari, shuningdek, O‘zbekiston Respublikasi Ekologiya va tabiiy resurslar vazirligining Xalqaro resurslar boshqarmasi boshlig‘i Mansur Oshurbayev, Qirg'iziston Respublikasi Ekologiya va texnik nazorati Chingiz Kochorov Yigʻilishda ekologiya boʻyicha olti tomonlama ishchi guruhi faoliyati, Qoʻshma harakatlar rejasini amalga oshirish boʻyicha “Yoʻl xaritasi” loyihasi va uni muvofiqlashtirishning keyingi mexanizmlari muhokama qilindi J. Kazbekov iqlim o‘zgarishi, yerlarning tanazzulga uchrashi, suv resurslarining qisqarishi, bioxilma-xillikning kamayishi, ekstremal tabiiy hodisalar sonining ortib borayotgani mintaqa mamlakatlari uchun umumiy muammo ekanini ta’kidladi. Shu munosabat bilan faol davlatlararo hamkorlik orqaligina ushbu muammolarni samarali hal etish mumkinligi qayd etildi Markaziy Osiyo iqlim o‘zgarishining salbiy ta’siriga ayniqsa zaif ekani ta’kidlandi. Muzliklarning tez erishi, cho‘llanishning kuchayishi, yerlarning degradatsiyasi va suv resurslariga bosimning oshishi asosiy ekologik muammolar sifatida belgilandi O‘zbekiston tomoni atrof-muhitni muhofaza qilish va iqlim o‘zgarishiga moslashish bo‘yicha mintaqaviy va xalqaro hamkorlikni kuchaytirish zarurligini ta’kidladi. “Markaziy Osiyo – Rossiya” formati ilmiy salohiyatni uyg‘unlashtirish, tajriba almashish va amaliy yechimlarni ishlab chiqish uchun muhim platforma sifatida e’tirof etildi Ishtirokchilar iqlim oʻzgarishi boʻyicha qoʻshma tadqiqotlar oʻtkazish, atrof-muhit monitoringi va maʼlumotlar almashish tizimlarini rivojlantirish, biologik xilma-xillikni saqlash hamda ilmiy hamkorlikni kengaytirish muhimligini qayd etib, hamkorlik boʻyicha “Yoʻl xaritasi” loyihasini qoʻllab-quvvatladilar Uchrashuv yakunlari bo‘yicha tomonlar “Yo‘l xaritasi” loyihasini muvofiqlashtirishni davom ettirish va ekologik hamkorlikni rivojlantirishga kelishib oldilar Muhayyo Toshqorayeva, O‘zA