Rossiyada xavfsiz joy qolmadi - Andrey Sibiga

Ukraina tashqi ishlar vaziri Andrey Sibiga Rossiya prezidenti Vladimir Putin ukrainalik hamkasbi Vladimir Zelenskiy bilan to‘g‘ridan-to‘g‘ri muzokaralarni rad etib, muvaffaqiyatsiz urushdan chiqish imkoniyatini boy berganini aytdi Bu haqda ukrainalik vazir “X” (sobiq Twitter) ijtimoiy tarmog‘idagi akkauntida yozdi, deb yozadi Modern.az "Rossiya uchun vaziyat yomonlashadi. Jang maydonidagi yoʻqotishlar oshib boraveradi, magʻlubiyatlar esa yanada sharmandali boʻladi. Iqtisodiyot chuqurroq tanazzulga choʻkib ketadi, ish oʻrinlari yoʻqoladi, soliqlar koʻpayadi, inflyatsiya esa aholining eng zaif qatlamiga taʼsir qiladi", - deydi Sibiga Ukraina tashqi ishlar vazirligi rahbari Rossiyada Ukrainaning keng qamrovli sanksiyalaridan qutulish uchun endi xavfsiz joy yo‘qligini ta’kidladi: "Bu sanksiyalarning intensivligi asta-sekin o‘sib boradi. Xalqaro bosim zaiflashmaydi, aksincha kuchayadi, jumladan, aktivlarni muzlatish, sayohatlarni taqiqlash va sodir etilgan jinoyatlar uchun muqarrar javobgarlik" "Rossiya ertami-kechmi diplomatik yechimga rozi boʻlishi kerak, biroq oʻsha paytda sharoitlar hozirgidan ancha ogʻirroq boʻladi. Putinning tinchlikni rad etishi Rossiyaga xalqaro bosimning sezilarli darajada oshishiga va Ukrainani qoʻllab-quvvatlashning kuchayishiga olib kelishi kerak", - deya qoʻshimcha qildi vazir Eslatib o‘tamiz, avvalroq Ukraina prezidenti Vladimir Zelenskiy Putinga ochiq xat yo‘llab, urushni tugatish bo‘yicha muzokaralar o‘tkazishni taklif qilgan edi. Rossiya prezidenti o‘z javobida bunday uchrashuv o‘tkazishdan ma’no ko‘rmayotganini aytdi