Rossiya va Turkiya Qora dengizda xavfsizlik sohasida yaqin hamkorlik qiladi

Rossiya va Turkiya Ukraina tahdidlari fonida Qora dengiz mintaqasida xavfsizlikni taʼminlash masalasida yaqindan hamkorlik qiladi Bu haqda Rossiya tashqi ishlar vaziri Sergey Lavrov turkiyalik hamkasbi Hoqon Fidan bilan bo‘lib o‘tgan muzokaradan so‘ng o‘tkazilgan qo‘shma matbuot anjumanida ma’lum qildi. "Biz Kiyevning Turkiyaga don olib ketayotgan kemalarni, shuningdek, tankerlarni provokatsiya qilishga urinishi va albatta, "Turk oqimi" va "Moviy oqim" gaz quvurlariga qarshi uzluksiz terrorchilik hujumlari tahdididan xavotirdamiz. Qora dengiz mintaqasida xavfsizlikni taʼminlash masalasida yaqindan hamkorlik qilishga kelishib oldik", — dedi Lavrov Uning so‘zlariga ko‘ra, bu masalada Rossiya va Turkiya bir-birini to‘ldiradi. Hoqon Fidan Ukrainadagi mojaro uchinchi davlatlar uchun xavfli darajaga yetganini ta’kidladi: "Biz Ukraina urushining so‘nggi paytlarda kuchayishi, shuningdek, geografik kengayish tahdididan qattiq xavotirdamiz. Bu, ayniqsa, front ortidagi hujumlarga taalluqlidir. Bu, ayniqsa, Qora dengizdagi kemachilikka tahdid soladi va uchinchi davlatlar manfaatlariga zarar etkazishi mumkin. Shu bois, bu choralarni ko‘rish zarur."