Rossiya saylovlarga shunday aralashdi

Xalqaro Respublika instituti (IRI) Rossiyaning Armanistondagi parlament saylovlariga taʼsir oʻtkazishga urinishlari kuzatilganini maʼlum qildi Bu haqda tashkilot vakillari 8-iyun kuni Yerevanda bo‘lib o‘tgan matbuot anjumanida dastlabki hisobotni taqdim etar ekan, ma’lum qildi. Ta’kidlanishicha, batafsilroq hisobot ikki oy ichida e’lon qilinadi Tashkilot saylovlarni umuman adolatli deb baholadi. Monitoring jarayonida 7 davlatdan 23 nafar vakil ishtirok etdi. Ular Armanistonning 8 viloyatida joylashgan 17 ta mahallada kuzatuvlar o‘tkazdi va 107 ta saylov uchastkasida bo‘ldi IRI vakillari hech qanday tizimli qoidabuzarliklar qayd etilmagani, ovoz berish va ovozlarni sanab chiqish jarayoni ishonchli o‘tganini aytdi. Shu bilan birga, tashkilot saylovoldi tashviqoti yuqori siyosiy qutblanish sharoitida o'tganini ta'kidladi Kuzatishlar natijalariga ko‘ra institut tomonidan 11 ta tavsiyalar berildi. Tavsiyalarda Armaniston rasmiylariga moliyaviy oqimlar, jumladan, xalqaro moliyaviy kanallar ustidan nazoratni kuchaytirish, saylovchilarni sotib olish uchun jazo choralarini kuchaytirish, partiyalar va bloklarning moliyaviy aylanishi ustidan nazoratni kuchaytirish, kiberxavfsizlik choralarini kuchaytirish kiradi Tashkilot, shuningdek, Markaziy saylov komissiyasi va huquq-tartibot idoralarini ma’muriy resurslardan foydalanish va bosim holatlari haqidagi ma’lumotlarni yanada faolroq tekshirishga chaqirdi IRI vakillariga koʻra, Rossiyadan toʻgʻridan-toʻgʻri taʼsir oʻtkazishga urinish, jumladan, sanksiyalar tahdidi boʻlgan. Bundan tashqari, saylovchilar bosimi, tinchlik bilan bog‘liq mavzularda dezinformatsiyalar, soxta ma’lumotlar oqimi, botlar va sun’iy intellekt vositalaridan foydalanish, manipulyatsiya, fishing hujumlari, shuningdek, Armaniston MSK va boshqa davlat muassasalari veb-saytlariga kiberhujumlar qayd etilgan Shunga qaramay, tashkilot vakillari Armaniston demokratik tanlov qilganini va Yevropa yoʻnalishini koʻrsatganini taʼkidladi