Rossiya Yevropa tuzilmalari vakillariga qarshi sanksiyalar kiritdi

Rossiya mamlakat hududiga kirishi taqiqlangan Yevropa institutlari vakillari ro‘yxatini kengaytirdi Bu haqda Rossiya tashqi ishlar vazirligi (TIV) bayonotiga tayanib, “Report” xabar bermoqda Vazirlik ushbu chora Yevropa Ittifoqining (YEI) 20-sanksiya paketiga javob sifatida ko‘rilganini ta’kidladi “Roʻyxatda Ukrainaga harbiy yordam koʻrsatish, Rossiyaga qarshi sanksiyalar qoʻllash, Rossiyaning uchinchi davlatlar bilan munosabatlariga putur yetkazish, mamlakatimiz manfaatlariga xizmat qiluvchi dengiz transportiga toʻsiqlar yaratish boʻyicha qarorlar qabul qilishda ishtirok etgan Yevropa tuzilmalari, Yevropa Ittifoqiga aʼzo davlatlar va boshqa qator Yevropa davlatlari vakillari kiritilgan”, — deyiladi xabarda Ro‘yxatda Rossiya davlat aktivlarini noqonuniy musodara qilish yoki ulardan tushgan mablag‘lardan foydalanishni qo‘llab-quvvatlovchi shaxslar ham bor Tashqi ishlar vazirligidan taʼkidlanishicha, Rossiyaga qarshi dushmanlik pozitsiyasini egallagan fuqarolik faollari va Yevropa davlatlari akademik hamjamiyati vakillari, shuningdek, Rossiyaga qarshi rezolyutsiya va qonun loyihalari uchun ovoz bergan Yevropa Ittifoqiga aʼzo davlatlar milliy parlamentlari aʼzolari va Yevroparlament deputatlariga nisbatan ham cheklov choralari qoʻllangan Eslatib o‘tamiz, Rossiyaga qarshi navbatdagi, 20-sanksiya paketi YeI kengashi tomonidan 2026-yil 23-aprelda tasdiqlangan edi Ulardan foydalanganda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir