Reuters: Erondagi urush AQShni eng yirik neft eksportchisiga aylantirdi

Saudiya Arabistoni nefti eksport qilinadigan Hurmuz bo‘g‘ozi yopilgan va Rossiya neftiga sanksiya qo‘yilgan bir paytda Qo‘shma Shtatlar ketma-ket uchinchi oy dunyoda yetakchi neft eksportchisi bo‘ldi. Bu haqda Reuters agentligi tankerlarga xizmat ko‘rsatuvchi Vortexa xizmati ma’lumotlariga tayanib xabar berdi Unga ko‘ra, AQSh neft va yoqilg‘i eksporti may oyida ishlab chiqarish hajmining oshishi va mamlakatning strategik neft zaxiralarining chiqarilishi tufayli kuniga taxminan 10,5 million barrelga oshgan. Rossiyaning o'sha oydagi eksporti kuniga 7 million barrelni, Saudiya Arabistoniniki esa 5,9 million barrelni tashkil etdi Vortexa xizmati ma'lumotlariga ko'ra, 2025 yilda Saudiya Arabistoni neft eksporti bo'yicha yetakchiga aylandi - u kuniga taxminan 8,1 million barrel neft sotdi. Qo'shma Shtatlar kuniga 6,6 million barrel, Rossiya - 5,8 million barrel neft eksport qildi “Yirik neft eksportchisi boʻlgan Vashington oʻzining global harbiy ustunligi va moliyaviy bozorlardagi hukmronligidan tashqari, raqobatchilar va ittifoqchilar bilan muzokaralarda yangi imkoniyatlarga ega boʻladi”, deb yozadi Reuters Masalan, AQSH Yevropaning asosiy xom neft importchisi va mintaqada distillat yoqilgʻisi yetkazib beruvchi ikkinchi yirik davlatga aylandi. Bundan tashqari, Yaqin Sharqdan neft olish qiyinligi tufayli Osiyo davlatlari ham Amerika neftiga qaram 11-iyun kuni AQSh prezidenti Donald Tramp o‘zining X ijtimoiy tarmog‘ida e’lon qilgan postida Eronning neft infratuzilmasi, asosiy neft eksport markazi bo‘lmish Xarg orolini tortib olish bilan tahdid qildi