Rafiyev: Ozarbayjon va Yevropa Ittifoqi oʻrtasidagi hamkorlik strategik ahamiyatga ega boʻlmoqda

Yevropa siyosiy hamjamiyatining 12-sammitini 2028-yilda Ozarbayjonda o‘tkazish to‘g‘risidagi qaror Yevropa Ittifoqi bilan hamkorlikni yanada rivojlantirish uchun qo‘shimcha imkoniyat yaratadi “Report”ning yozishicha, bu haqda Ozarbayjon tashqi ishlar vaziri o‘rinbosari Yalchin Rafiyev Yevropa kuni munosabati bilan o‘tkazilgan tadbirda ma’lum qilgan "Ozarbayjon Yevropa Ittifoqi bilan munosabatlariga shu nuqtai nazardan qaraydi. Biz YeI bilan hamkorlikni tashqi siyosatimizning muhim yo‘nalishi sifatida qabul qilamiz va keyingi yillarda bu munosabatlar yangi ijobiy dinamikaga ega bo‘lganini mamnuniyat bilan qayd etamiz", - dedi u Rafiyev Yevropa Kengashi Prezidenti Antonio Kostaning yaqinda Bokuga qilgan tashrifi va Ozarbayjon Prezidenti Ilhom Aliyev bilan uchrashuv yakunlari bo‘yicha qabul qilingan qo‘shma bayonotni qayd etib, mazkur hujjat hamkorlikni yanada mustahkamlash bo‘yicha o‘zaro majburiyatni tasdiqlaganini ta’kidladi Shuningdek, u Ozarbayjon va Yevropa Ittifoqi institutlari oʻrtasidagi muntazam aloqalar, jumladan, yuqori darajadagi uchrashuvlar, Yevropa rasmiylarining mamlakatga tashriflari hamda energetika, transport va xavfsizlik sohalarida muloqotlar oʻtkazilishiga ishora qildi "Bugungi kunda Ozarbayjon va Yevropa Ittifoqi oʻrtasidagi sheriklik strategik xususiyat kasb etmoqda. Yevropa Ittifoqi Ozarbayjonning asosiy siyosiy va iqtisodiy hamkorlaridan biridir. Ittifoq bizning eng yirik savdo sherigimizdir va bizning hamkorligimiz endi anʼanaviy sohalar bilan cheklanib qolmaydi", - dedi u