Parrandachilikning o‘zini-o‘zi ta’minlash darajasi 100 foizga yetkaziladi – Vazirlik

Ozarbayjonda parranda go‘shti bilan o‘zini-o‘zi ta’minlash darajasini 100 foizga yetkazish rejalashtirilgan. Shu maqsadda parrandachilik xo‘jaliklarini tashkil etish va modernizatsiya qilishni davlat tomonidan qo‘llab-quvvatlash yanada kengaytiriladi Bu haqda Milliy Majlisning Agrar siyosat qo‘mitasi tomonidan “Ozarbayjon Respublikasida qishloq, baliqchilik va suv xo‘jaligi mahsulotlarini yetishtirish va qayta ishlashni rivojlantirish Davlat dasturi”dan kelib chiqadigan vazifalarga bag‘ishlangan ochiq yig‘ilishda Agrar ilmiy-tadqiqot markazi direktori Rashad Huseynov ma’lum qildi, deb yozadi Modern.az Rashad Huseynov Davlat dasturi doirasida 2025-yilda 147 ming tonna bo‘lgan parranda go‘shti ishlab chiqarishni 2030-yilga borib 30 foizga oshirish rejalashtirilganini, shu bilan birga tuxum ishlab chiqarishni 2 milliard 343 million donadan 27 foizga oshirish rejalashtirilganini aytdi Unga ko‘ra, dasturning asosiy maqsadlaridan biri parranda go‘shti bilan o‘zini-o‘zi ta’minlash darajasini hozirgi 82 foizdan 100 foizga oshirishdan iborat Markaz direktori buning uchun tuxum va tovuq go‘shti yetishtirish yo‘nalishida yangi fermer xo‘jaliklari barpo etish, mavjud korxonalarni modernizatsiya qilish qo‘llab-quvvatlanishini ta’kidladi "Yangi tashkil etilayotgan yoki modernizatsiya qilingan fermer xo‘jaliklarida foydalanilayotgan texnikalar narxiga 40 foizgacha chegirma qo‘llaniladi. Shuningdek, kreditlar bo‘yicha foizlarning 40-50 foizini subsidiyalash ko‘zda tutilgan", - dedi u Rashad Huseynov dastur doirasida zamonaviy qassobxonalar tashkil etish, tuxum yetishtirishni chuqur qayta ishlash korxonalarini tashkil etish, naslchilik ishlarini rivojlantirishga davlat tomonidan ko‘mak ko‘rsatilishini ta’kidladi Uning qoʻshimcha qilishicha, parrandachilik korxonalarini elektr va gaz tarmoqlariga ulash xarajatlarini subsidiyalash, yer ajratish bilan bogʻliq mavjud muammolarni hal etish boʻyicha chora-tadbirlar koʻriladi