Ozarbayjon Prezidenti Ilhom Aliyev Gabalada Ukraina Prezidenti bilan yakkama-yakka uchrashuv o‘tkazdi YANGILANGAN VIDEO

Ukraina prezidenti Vladimir Zelenskiy Ozarbayjonda xizmat safarida “AZERTAC” xabar berishicha, 25-aprel kuni Gabalada Ozarbayjon Respublikasi Prezidenti Ilhom Aliyevning Ukraina Prezidenti Vladimir Zelenskiy bilan yakkama-yakka uchrashuvi bo‘lib o‘tdi Suhbat chog‘ida davlatimiz rahbarining Vladimir Zelenskiy bilan avvalgi uchrashuvlari mamnuniyat bilan esga olinib, Ukraina Prezidentining mamlakatimizga ushbu tashrifi ikki tomonlama hamkorlik masalalarini muhokama qilish uchun qulay imkoniyat yaratishiga ishonch bildirildi. Ko‘p yo‘nalishlarda, jumladan, energetika sohasida hamkorlikni kengaytirish yuzasidan fikr almashildi, qishloq xo‘jaligiga doir hamkorlik masalalari muhokama qilindi, Hukumatlararo komissiya faoliyatiga to‘xtalib o‘tildi Mehmon mamlakatimizning Ukrainaga ko‘rsatayotgan insonparvarlik yordami, shuningdek, Ozarbayjonning ukrainalik bolalarga ko‘rsatayotgan e’tibor va g‘amxo‘rligini yuqori baholab, bularning barchasi uchun Prezident Ilhom Aliyevga o‘z minnatdorchiligini bildirdi. Tez orada bir guruh ukrainalik talabalar sogʻlomlashtirish, shuningdek, Ozarbayjon madaniyati va sanʼati bilan yaqindan tanishish maqsadida mamlakatimizga tashrif buyurishi taʼkidlandi 2026 © AZERTAC. Mualliflik huquqi himoyalangan. Axborotdan foydalanish giperhavola bilan havola qilinishi kerak