Qozog‘iston G‘azoni qayta tiklashda ishtirok etishga tayyorligini tasdiqladi

“Tinchlik kengashi hammuassislaridan biri sifatida biz ushbu institut global tinchlik va xavfsizlikni mustahkamlashga samarali hissa qoʻshishiga ishonamiz” Bu haqda Qozog‘iston prezidenti Gasim-Jomart Tokayev Tinchlik kengashi bosh maslahatchisi Arye Laytstoun bilan uchrashuvda ma’lum qildi, deb yozadi “525.az” Uchrashuvda Qozog‘istonning G‘azo sektoridagi vaziyatni barqarorlashtirishga qaratilgan tashabbuslari, jumladan, ijtimoiy infratuzilmani tiklash, ta’lim, sog‘liqni saqlash va oziq-ovqat xavfsizligini qo‘llab-quvvatlash sohasidagi tashabbuslarni amalga oshirish masalalari muhokama qilindi. Tomonlar transport va logistika, jumladan, TRIPP tashabbusi va O‘rta koridor bo‘yicha hamkorlik istiqbollarini muhokama qildi. Ular Qozog‘iston mintaqalararo aloqalarni mustahkamlash va xalqaro transport yo‘nalishlarini diversifikatsiya qilishdan manfaatdor ekanini ta’kidladilar Tinchlik kengashi vakili Qozog‘istonning ushbu tashkilot faoliyatidagi va boshqa xalqaro tashabbuslardagi faol ishtirokini, jumladan, Ibrohim kelishuvlariga qo‘shilish qarorini yuqori baholadi 22 yanvar kuni Davosda boʻlib oʻtgan Jahon iqtisodiy forumi doirasida Gʻazo sektorida tinchlik oʻrnatish boʻyicha tuzilgan Tinchlik kengashining Nizomi imzolandi. Tinchlik kengashining birinchi yig‘ilishi 19 fevral kuni Vashingtonda bo‘lib o‘tdi