Qorabog' masalasi yopildi! - Alen Simonyan

“Tog‘li Qorabog‘” masalasi mustaqil Armaniston Respublikasi uchun tuzoq edi. Bu haqda Armaniston parlamenti spikeri Alen Simonyan “Deutsche Welle”ga bergan intervyusida ma’lum qildi, deb yozadi “Modern.az” Uning soʻzlariga koʻra, bu tuzoq Armaniston hech qachon toʻliq mustaqil davlatga aylanmasligi uchun qoʻyilgan "Shu bilan birga, Ozarbayjon unga kamroq qaram bo'lmasdi. Bu ta'sir dastagi bo'lardi. Biz allaqachon aytgan edik: "Qorabog' harakati" sahifasi yopildi va biz bu masalaga boshqa qaytmasligimiz kerak. Bu yagona to'g'ri yo'l", - deya qo'shimcha qildi Simonyan. Uning aytishicha, Armaniston hech qanday harbiy blokga kirmasligi kerak Simonyan fikricha, Armanistonning geografiyasi va imkoniyatlarini inobatga olgan holda, mamlakat neytral pozitsiyani egallashi to‘g‘riroq bo‘lardi. Uning ta'kidlashicha, Armaniston kichik davlat va har ikki tomon uchun "muzokaralar mavzusi" bo'lishi mumkin "Mamlakatim Rossiya, Bryussel, AQSh yoki boshqa tomonlar uchun savdo ob'ektiga aylanishini xohlamayman. Armaniston Eron, Ozarbayjon, Turkiya va Gruziya bilan o'ralgan. To'rt tomondan yopiq, dengizga chiqish imkoni yo'q", - dedi u Simonyan qo‘shimcha qilishicha, arman xalqining tarixi ularga ko‘p narsani o‘rgatgan va asosiy maqsad o‘tmishdagi xatolarni takrorlamaslikdir