G‘ijduvon tumanida Xitoy bilan hamkorlikda amalga oshiriladigan loyihalar

G‘ijduvon tumani hokimi Farhod Umarov bilan suhbat chog‘ida sanoat sohasida o‘zaro manfaatli hamkorlikni kengaytirish va investitsiya loyihalarini ilgari surish yo‘llari o‘rganildi Xitoylik mehmonlar G‘ijduvon tumanining iqtisodiy salohiyati, amalga oshirilayotgan sanoat infratuzilmasini rivojlantirish, tadbirkorlarga yaratilayotgan imkoniyatlar haqida batafsil ma’lumot oldi. Mamlakatimizda investorlarni har tomonlama qo‘llab-quvvatlash, ularning huquq va qonuniy manfaatlarini ta’minlash borasida amalga oshirilayotgan keng ko‘lamli islohotlardan katta qiziqish bildirildi Muzokaralar yakunida bir qancha muhim iqtisodiy kelishuvlarga erishildi. G‘ijduvon tumanida zamonaviy mebel markazi tashkil etish, naslli chorvachilikni rivojlantirish, yangi sanoat loyihalarini ishga tushirish shular jumlasidandir Tashrif davomida delegatsiya “G‘ijduvon” erkin iqtisodiy zonasi faoliyati bilan ham tanishdi. EIZ rahbari Sherzod Ashurov investorlar uchun yaratilgan qulayliklar, jumladan, soliq va bojxona imtiyozlari, muhandislik-kommunikatsiya infratuzilmasini tushuntirib berdi Bundan tashqari, mehmonlar “G‘ijduvon Eko Bottlers”, “Buxoro Fayz Tekstil”, “Sadbarg”, “Firsham Mebel” kabi yirik korxonalarda bo‘ldilar Muzokaralar davomida mahsulotlar eksport bozorlarini kengaytirish, innovatsion texnologiyalarni o‘zlashtirish, qo‘shma loyihalarni yo‘lga qo‘yish bo‘yicha amaliy kelishuvlar tuzildi