Prezident Ilhom Aliyev Rim papasini tabrikladi

Prezident Ilhom Aliyev Rim papasi Leo XIVga tabrik maktubi yo‘lladi “APA”ning xabar berishicha, maktubda: Toj kiyish kuni munosabati bilan Sizni va barcha dindoshlaringizni shaxsan o‘z nomimdan va Ozarbayjon xalqi nomidan chin qalbimdan tabriklayman Ozarbayjon bilan Muqaddas Taxt o‘rtasidagi o‘zaro hurmat va anglashuvga asoslangan munosabatlar yuksalish yo‘lida rivojlanib, kundan-kunga yangi mazmun kasb etayotgani quvonarlidir. Bu aloqalar dunyoda dinlararo totuvlik va madaniy rang-baranglikni mustahkamlash, sivilizatsiyalar o‘rtasida o‘zaro ishonch muhitini yaratish kabi ezgu niyatlarga xizmat qiladi Dunyoda multikulturalizm manzillaridan biri sifatida tanilgan Ozarbayjonda etnik va diniy xilma-xillik milliy boylik sifatida muhofaza qilinib, barcha konfessiyalar uchun teng sharoitlar yaratilgan. Ozarbayjon turli din va e’tiqod vakillari mehr-oqibat va o‘zaro hamjihatlik sharoitida istiqomat qilayotgan maskan ekanligidan faxrlanamiz. Boku shahrida yangi katolik cherkovining poydevori qo‘yilishi mamlakatimizdagi dinlararo totuvlik, multikulturalizm va bag‘rikenglik an’analarining yana bir yorqin namunasidir Geydar Aliyev jamg‘armasi va Muqaddas taxt o‘rtasidagi yillar davomida yo‘lga qo‘yilgan samarali hamkorlikni alohida ta’kidlamoqchiman. Fond koʻmagida Vatikanda amalga oshirilgan restavratsiya ishlari Ozarbayjonning umuminsoniy qadriyatlarga sodiqligining koʻrsatkichi boʻlib, madaniyatlararo muloqot va diniy-madaniy merosni asrab-avaylashga hissa qoʻshmoqda Ozarbayjon va Muqaddas Taxt oʻrtasidagi samimiy muloqot va hamkorlikni rivojlantirishga qoʻshgan hissangizni yuksak qadrlayman. Ishonchim komilki, ikki tomonlama munosabatlarimiz umuminsoniy qadriyatlarni targ‘ib qilish va sivilizatsiyalararo anglashuvni rivojlantirish yo‘lida bundan keyin ham mustahkamlanib, chuqurlashadi Ana shunday muhim kunda Sizga mustahkam sog‘lik, uzoq umr, yuksak va muqaddas missiyangizda muvaffaqiyatlar tilayman”