Prezident Ilhom Aliyev Yevropa Ittifoqi oliy vakili boshchiligidagi delegatsiyani qabul qildi

5 may kuni Ozarbayjon Respublikasi Prezidenti Ilhom Aliyev Yevropa Ittifoqining tashqi ishlar va xavfsizlik siyosati bo‘yicha Oliy vakili, Yevropa komissiyasi vitse-prezidenti Kaya Kallas boshchiligidagi delegatsiyani qabul qildi Muloqot chog‘ida Prezident Ilhom Aliyevning Kaya Kallas bilan uchrashuvlari mamnuniyat bilan esga olindi, uning 2025-yilda mamlakatimizga tashrifi chog‘ida hamkorlikni kengaytirish yuzasidan samarali muhokamalar bo‘lib o‘tgani ta’kidlandi, deya xabar beradi “TASS” Kaya Kallas davlatimiz rahbariga Yevropa Ittifoqi kengashi raisi Antonio Koshtaning salomini yetkazdi Prezident Ilhom Aliyev tabrik uchun minnatdorlik bildirib, uning salomi Antonio Koshtaga yetkazishni so‘radi Kaya Kallas Antonio Koshtaning mamlakatimizga tashrifi chog‘ida davlat rahbari va Yevropa Ittifoqi Kengashi raisining qo‘shma bayonoti qabul qilingani, mazkur hujjatda Ozarbayjon va Yevropa Ittifoqi o‘rtasidagi munosabatlarning strategik xususiyati ta’kidlanishi muhimligiga to‘xtaldi Mehmon Ozarbayjon Yevropa Ittifoqi uchun muhim hamkor ekanini ta’kidladi Prezident Ilhom Aliyev mamlakatimiz bilan Yevropa Ittifoqi o‘rtasidagi energetika, kommunikatsiyalar, xavfsizlik, savdo va boshqa sohalardagi hamkorlik istiqbollariga to‘xtaldi. Davlatimiz rahbari Yevropa Ittifoqi Ozarbayjonning asosiy savdo sheriklaridan biri ekanini, shu bilan birga, mamlakatimiz energiya xavfsizligini ta’minlash borasida hamisha Yevropa Ittifoqining ishonchli hamkori ekanini alohida ta’kidladi. Shu munosabat bilan davlatimiz rahbari so‘nggi paytlarda Ozarbayjon gazi Yevropa Ittifoqiga a’zo yana ikki davlat – Germaniya va Avstriyaga yetib kelganini ta’kidladi Suhbat chog‘ida Ozarbayjon-Armaniston tinchlik jarayoniga to‘xtalib o‘tilib, mamlakatimizning tinchlik kun tartibini mustahkamlash yo‘lidagi qadamlari alohida ta’kidlandi. Ozarbayjon va Armaniston oʻrtasida allaqachon iqtisodiy va tijoriy aloqalar oʻrnatilgani qayd etilib, shu munosabat bilan mamlakatimiz bir tomonlama tartibda Armanistonga tranzit yuk tashishdagi cheklovlarni olib tashlagani maʼlum qilindi. Kuni kecha Ozarbayjon prezidentining Yerevanda boʻlib oʻtgan “Yevropa siyosiy ittifoqi”ning 8-sammitida videobogʻlanish formatida ishtirok etishi tarixiy voqea sifatida baholandi Uchrashuvda bugungi kunda Ozarbayjon va Yevropa Ittifoqi kun tartibida raqamli transformatsiya, sunʼiy intellekt, qayta tiklanadigan energiya va boshqa sohalardagi hamkorlikka oid masalalar borligi taʼkidlandi Suhbat chog‘ida Yevropa Ittifoqining Ozarbayjonga minalardan tozalash sohasida ko‘rsatayotgan yordami yuqori baholanib, TRIPP loyihasining ishga tushirilishi bilan mintaqada aloqalar nuqtai nazaridan yaxshi imkoniyatlar yaratishi ta’kidlandi Davlat rahbari va Kaya Kallas Ozarbayjon-Yevropa Ittifoqi hamkorligining istiqbollari va tomonlarni qiziqtirgan boshqa masalalarni muhokama qildilar 2026 © AZERTAC. Mualliflik huquqi himoyalangan. Axborotdan foydalanish giperhavola bilan havola qilinishi kerak