Qozog‘iston va Kipr prezidentlari Ostonada tor doiradagi muzokaralar o‘tkazdi

Qosim-Jomart Tokayev so‘nggi yillarda ikki davlat o‘rtasidagi hamkorlik sezilarli darajada mustahkamlanganini ta’kidladi “2019-yilda Tashqi ishlar vaziri lavozimida ishlab turib, Qozogʻistonga tashrif buyurib, ishonchli doʻst, qaysidir maʼnoda mamlakatimizning Yevropa Ittifoqidagi elchisi sifatida faoliyat yuritishingizni taʼkidlagan edingiz.Bugun ishonch bilan aytish mumkinki, biz sezilarli natijalarga erishdik.Mamlakatlarimiz poytaxtlarida elchixonalar ochdik, toʻgʻridan-toʻgʻri aviaqatnovlarni yoʻlga qoʻydik, oʻylaymanki, boshqa bir qator muhim tashabbuslarni amalga oshirdik. Ikki tomonlama hamkorlikni yanada kengaytirish uchun katta salohiyat bor, men ham o‘z navbatida keng ko‘lamli hamkorlikni rivojlantirish uchun barcha sa’y-harakatlarni qilishga tayyorman”, — dedi Qozog‘iston Prezidenti O‘z navbatida Nikos Xristodulides Qozog‘istonga tashrif buyurish imkoniyatidan mamnunligini bildirib, hamkorlikni rivojlantirish istiqbollarini ta’kidladi “Kiprdan birinchi toʻgʻridan-toʻgʻri reysda yirik biznes delegatsiyasi hamrohligida mamlakatingizga kelganimdan xursandman”, dedi u Ikki davlat salmoqli salohiyatga ega ekanini ta’kidlab, bugungi muzokaralar ikki tomonlama hamkorlikni kengaytirishga xizmat qilishiga umid bildirdi "Shu bilan birga, men Qozog‘istonga boshqa maqomda tashrif buyurmoqdaman. Hozirda mening mamlakatim Yevropa Ittifoqi kengashiga raislik qilmoqda. Bu mintaqa, xususan, Qozog‘istonning ahamiyatini inobatga olib, Yevropa Ittifoqi va Qozog‘iston o‘rtasidagi o‘zaro hamkorlikni yanada rivojlantirish yo‘llarini muhokama qilishga tayyorman", - dedi Nikos Xristodulides Avvalroq Qozog‘iston Prezidenti Qosim-Jomart Tokayev Ostonadagi Mustaqillik saroyida mamlakatimizga tashrif buyurgan Kipr prezidenti Nikos Xristodulidni kutib olgani xabar qilingandi