Shartnoma imzolandi: Amerika kompaniyalari Suriyada gaz ishlab chiqaradi

Suriya Amerikaning ikki kompaniyasi - ConocoPhillips va Novaterra bilan mamlakatdagi bir qancha gaz konlarini o‘zlashtirish bo‘yicha shartnomalar imzoladi, deb xabar bermoqda SANA davlat agentligi Shartnoma Suriya neft kompaniyasi (SPC), ConocoPhillips va Novaterra o'rtasida Energetika vazirligining Damashqdagi shtab-kvartirasida tuzildi Agentlikning qayd etishicha, hujjat qator gaz konlarini o‘zlashtirish va mavjud quvvatlarda ishlab chiqarish hajmini oshirishni nazarda tutadi. Loyiha Suriyaning energetika sektorini mustahkamlash va energiya ishlab chiqarish va iqtisodiyotning boshqa muhim tarmoqlari uchun tabiiy gaz ta'minotini kengaytirishga qaratilgan Suriya Energetika vazirligi maʼlumotlariga koʻra, kelishuv tomonlar oʻrtasida oʻzaro anglashuv memorandumi imzolanganidan keyin bir necha oylik texnik, huquqiy va tijorat muzokaralari natijasi boʻlgan Avvalroq Financial Times ikki anonim manbaga tayanib, ConocoPhillips Suriyaning yangi hukumati bilan shartnoma imzolagan birinchi yirik Amerika neft va gaz kompaniyasiga aylanishini yozgan edi. Bungacha ConocoPhillipsga qaraganda ancha kichik aktivlari va faoliyat ko‘lamiga ega bo‘lgan Amerikaning HKN Energy kompaniyasi Suriya hukumati bilan 25 yillik shartnoma imzoladi va mamlakat shimoli-sharqidagi Rumeylan mintaqasida neft konlarini o‘zlashtirishni boshladi