Pedagogika talabalari maxsus imtihondan o'tadilar

Pedagogika yo‘nalishida tahsil olayotgan talabalar endi o‘z bilimlarini tashqi diagnostik baholashdan o‘tkaziladi. Bu Adliya vazirligi tomonidan davlat ro‘yxatidan o‘tkazilgan “Talabalarning pedagogika yo‘nalishi bo‘yicha bilimlarini tashqi diagnostik baholashni o‘tkazish tartibi to‘g‘risida”gi 3853-son nizomda nazarda tutilgan Nizomga ko‘ra, pedagogika yo‘nalishlari bo‘yicha kadrlar tayyorlash sifatini baholash maqsadida talabalar bilimi tashqi diagnostika orqali baholanadi. Tashqi diagnostik baholash pedagogika yo‘nalishi bo‘yicha tahsil olayotgan uchinchi kurs talabalari o‘rtasida har o‘quv yilida bir marta test shaklida o‘tkaziladi Test 50 ta savoldan iborat bo‘lib, uni bajarish uchun talabalarga 45 daqiqa vaqt beriladi. Har bir to'g'ri javob 2 ballga baholanadi, maksimal ball 100 ball qilib belgilanadi Nizomga ko‘ra, har yili sentyabr oyida maktabgacha ta’lim va maktab ta’limi vazirining buyrug‘i bilan tashqi diagnostik baholashni o‘tkazish uchun kamida besh nafar malakali mutaxassisdan iborat ishchi guruh tuziladi Tashqi diagnostika natijalariga ko‘ra, o‘rtacha balli 56 va undan yuqori ball to‘plagan ta’lim dasturlari “talablarga javob beradi”, 56 balldan past bo‘lgan ta’lim dasturlari esa “talablarga javob bermaydi” deb baholanadi Diagnostika natijalari talabalarning joriy akademik ko'rsatkichlari yoki reyting ballariga ta'sir qilmaydi. Ular o‘qituvchilar tayyorlash sifatini tahlil qilishga xizmat qiladi Avvalroq 2026/2027 o‘quv yilidan boshlab barcha oliy ta’lim muassasalarida talabalarning tadbirkorlik ko‘nikmalarini rivojlantirish va tadbirkorlik faoliyatini yuritish uchun mavjud imkoniyatlar bilan tanishtirish maqsadida “Tadbirkorlik asoslari” kursi joriy etilishi haqida xabar berilgan edi