Milliy onkologiya markazida bemor shifokorni portlatib yubormoqchi bo‘ldi: o‘lganlar va yaradorlar bor - yangilangan 19:38

30 aprel kuni soat 14:00 atrofida Yasamal tuman prokuraturasiga Ozarbayjon Milliy onkologiya markazida portlash sodir bo‘lgani haqida xabar kelib tushdi Dastlabki tergov harakatlari davomida 1988-yilda tug‘ilgan, onkologik bemor sifatida ro‘yxatda turuvchi Aliyev Mubariz Sohib o‘g‘li ko‘rsatilgan tibbiyot muassasasining rentgenologiya bo‘limida o‘zi tomonidan qonunga xilof ravishda sotib olingan va saqlanayotgan portlovchi moslamani ishga tushirib, bu orqali shifokor Asif Nasirovni qasddan o‘ldirishga uringanligi haqida asosli shubhalar aniqlangan Portlash oqibatida Mubariz Aliyev olgan jarohatlaridan voqea joyida vafot etgan, og‘ir tan jarohati olgan Asif Nasirov esa ayni paytda og‘ir ahvolda, uning davolanishi shifoxonada davom etmoqda Tegishli huquq-tartibot idoralari xodimlaridan iborat tezkor-tergov guruhi tibbiyot sohasi mutaxassisi ishtirokida kechiktirmasdan voqea joyini ko‘zdan kechirdi Jinoyat izlarini aks ettiruvchi ashyoviy dalillar tegishli tartibda olindi; jasadni ichki va tashqi ekspertizadan o‘tkazish uchun sud-tibbiy ekspertizasi tayinlandi va boshqa zarur protsessual harakatlar bajarildi Mazkur holat yuzasidan Jinoyat-protsessual qonunchiligiga muvofiq zudlik bilan Yasamal tuman prokuraturasi tomonidan Ozarbayjon Respublikasi JKning 29, 120.1 (umumiy xavfli tarzda sodir etilgan odam o‘ldirishga urinish) va 228.1 (portlovchi moddalar va qurilmalarni qonunga xilof ravishda olish, saqlash, tashish va olib o‘tish) moddalari bilan jinoyat ishi qo‘zg‘atilgan Bokuning Yasamal tumanida joylashgan Milliy onkologiya markazida portlash yuz berdi haqqin.az xabar berishicha, bu holat palatalardan birida sodir bo‘lgan. Bemor Mubariz Aliyev voqea joyida vafot etgan. Rentgen bo'limining birinchi qavatidagi portlash natijasida rentgenolog Asif Nasirli og'ir jarohat oldi Voqea joyiga huquq-tartibot idoralari xodimlari yetib kelgan. Fakt yuzasidan tergov harakatlari olib borilmoqda