Pashinyanni saylovdagi g‘alabasi bilan tabriklashmoqda

Armaniston bosh vaziri Nikol Pashinyanni parlament saylovidagi g‘alabasi bilan tabrikladi. Pashinyanga tabrik yo‘llaganlar orasida Yevropa Ittifoqi davlatlari rahbarlari, Qozog‘iston prezidenti, Belarus muxolifati yetakchisi va boshqalar bor Ursula fon der Lyayen, Yevropa komissiyasi raisi: "Hurmatli Nikol Pashinyan, sizni saylovdagi g‘alabangiz bilan tabriklayman. Sizning rahbarligingizdagi 2018-yildagi "Baxmal inqilob" ruhi tirik va bardam. Biz Yevropaga tobora yaqinlashib borayotgan demokratik Armaniston bilan hamkorligimizni chuqur qadrlaymiz. Armaniston bizga ishonishi mumkin" Emmanuel Makron, Fransiya Prezidenti: “Hurmatli Nikol Pashinyan, parlament saylovidagi ushbu ishonchli g‘alaba bilan sizni samimiy tabriklayman, xalqlarimiz farovonligi yo‘lida hamkorligimizni yanada mustahkamlash, Armaniston tinchligi va suverenitetini qo‘llab-quvvatlash, shuningdek, Yevropa bilan yaqinlashish jarayonini qo‘llab-quvvatlash yo‘lida boshlagan ishni siz bilan davom ettirishdan mamnunman” Edgars Rinkevich, Latviya Prezidenti: "Bosh vazir Nikol Pashinyanni saylovlardagi yorqin g'alabasi bilan tabriklayman. Armaniston tahdid va qo'rqitishlarga qaramay, o'zining demokratik yo'lini tanladi. Latviya sizni qat'iy qo'llab-quvvatlaydi va Armaniston va Yevropa Ittifoqi o'rtasidagi yaqin munosabatlar tarafdori" Svetlana Tixanovskaya, Belarus muxolifati yetakchisi: "Men Armaniston Respublikasi Bosh vaziri Nikol Pashinyanni va Armaniston xalqini kechagi saylovlar bilan chin qalbimdan tabriklayman. Demokratiya g'alaba qozondi. Xalq erkinlik va mustaqillikni dadil va qat'iyat bilan tanladi. Belarusliklar Armanistonni Yevropa kelajagi sari keyingi yo'lida qo'llab-quvvatlamoqda" Qosim-Jomart Tokayev, Qozog‘iston Prezidenti “Saylovlar, koʻpchilik xalqaro kuzatuvchilarning dastlabki maʼlumotlariga koʻra, mamlakatning amaldagi saylov qonunchiligiga muvofiq oʻtgan”, — deyiladi Tokayevning idorasi bayonotida Tokayev Armaniston bilan o‘zaro manfaatli barcha sohalarda faol hamkorlikni davom ettirishga tayyorligini ta’kidladi. Siyosatchi, shuningdek, arman xalqiga davlat taraqqiyotida muvaffaqiyatlar, tinchlik va farovonlik tiladi Avvalroq Armaniston Markaziy saylov komissiyasi barcha ovozlarni sanab chiqish natijalariga ko‘ra Nikol Pashinyanning “Fuqarolik shartnomasi” partiyasi g‘alaba qozonganini ma’lum qilgandi. U 727 mingga yaqin ovoz oldi, bu 49,81 foizni tashkil etadi