Pashinyan Ozarbayjon bilan chegarani delimitatsiya qilish haqida

Armaniston va Ozarbayjon oʻrtasidagi chegara 1991-yildagi Olmaota deklaratsiyasi asosida delimitatsiya qilinadi. Bu haqda Armaniston bosh vaziri Nikol Pashinyan jurnalistlar savollariga javob berar ekan, maʼlum qildi, deya xabar beradi Armaniston matbuoti Pashinyanning soʻzlariga koʻra, 2024-yilda ikki davlat Olmaota deklaratsiyasi asosida chegarani delimitatsiya qilish komissiyalarining birgalikdagi faoliyati toʻgʻrisidagi nizomni ratifikatsiya qilganidan buyon huquqiy nuqtai nazardan masala hal etilgan Deklaratsiyaga ko‘ra, SSSRning sobiq ittifoq respublikalarining ma’muriy chegaralari MDH davlatlarining davlat chegaralariga aylandi. Armaniston va Ozarbayjon ushbu hujjatni ratifikatsiya qilib, unga qonun kuchini berdi "Shuning uchun masala shu tarzda hal qilinishi kerak va boʻladi va bunga hech qanday shubha yoʻq. Agar delimitatsiya jarayonida tomonlar oʻzaro maqbul yechimlarni, jumladan, chegara chizigʻiga individual oʻzgartirishlar kiritishni ham topsalar, bularning barchasi imkon qadar shaffof tarzda jamoatchilikka taqdim etiladi", — dedi Pashinyan U, shuningdek, delimitatsiya jarayoni bosqichma-bosqich - shimoldan janubga, Armaniston-Ozarbayjon chegarasining Gruziya bilan tutashgan joyidan Eron bilan chegaragacha bo‘lishini tasdiqladi. Unga ko‘ra, alohida uchastkalar tasdiqlanganidan so‘ng chegarani belgilash bo‘yicha tegishli ishlar olib boriladi Avvalroq Pashinyan, shuningdek, agar kerak bo‘lsa, xalqaro ahamiyatga molik aloqalarni o‘z ichiga olgan Tramp marshruti loyihasi (TRIPP) o‘tishi kerak bo‘lgan chegaraning janubiy qismi ustuvorlik sifatida delimitatsiya qilinishi mumkinligini ham ma’lum qilgan edi