“Krokus” ishi bo‘yicha sudlangan Yusufzoda o‘z joniga qasd qildi

Moskva yaqinidagi Crocus City Hall konsert zalida sodir etilgan terakt ishi boʻyicha umrbod qamoq jazosiga hukm qilingan shaxs oʻz joniga qasd qildi, deb xabar qildi RBK ga Federal jazoni ijro etish xizmatining Moskvadagi bosh boshqarmasi "Hodisa joyida reanimatsiya choralari koʻrilgan, biroq natija bermagan. Hozirda tekshiruv oʻtkazilmoqda, natijalar bugun eʼlon qilinadi", — deyiladi xabarda Jazoni ijro etish federal xizmati maʼlumotlariga koʻra, ular voqea haqida kuzatuv kameralaridan bilib olishgan. Mahkumning ismi shaxsiy ma'lumotlar to'g'risidagi qonunga muvofiq oshkor etilmaydi “Matrosskaya tishina” tergov izolyatorida o‘z joniga qasd qilgan Crocus City Halldagi terakt ishiga aloqador shaxs avval umrbod qamoq jazosiga hukm qilingan Yoqubjoni Davlatxon Yusufzoda bo‘lib chiqdi, deya ma’lum qildi RBKga jabrlanuvchilar manfaatlarini himoya qiluvchi advokat Daniel Gotye. Mazkur ishda ishtirok etgan yana bir shaxs – Jabrail Aushev o‘z joniga qasd qilishga uringan, biroq tergov izolyatori xodimlari tomonidan darhol topilib, qutqarilgan. Gotyening aniqlik kiritishicha, bu Aushevning o'z joniga qasd qilishga birinchi urinishi emas - u buni hukm e'lon qilingan kuni 12 martda ham qilishga uringan Yusufzoda 2024-yil 31-martda ushlangan; hibsga olinganda erkak 25 yoshda edi. Yusufzoda Tojikistonda tug‘ilgan va shu davlat fuqarosi bo‘lgan. Erkak uylangan va uch farzandi bor edi. Tergov maʼlumotlariga koʻra, qoʻlga olingan vaqtda Yusufzoda norasmiy ravishda qurilish maydonchasida ishlagan va Moskvada vaqtinchalik roʻyxatdan oʻtgan