Rossiyada tibbiy ko‘rikdan o‘tmagan migrantlar uchun jarima miqdori 12 baravar oshdi

Rossiya prezidenti Vladimir Putin chet el fuqarolari va fuqaroligi bo‘lmagan shaxslarga majburiy tibbiy ko‘rikdan o‘tishdan bosh tortgani uchun undiriladigan jarima miqdorini 12 baravardan ortiq oshirishni nazarda tutuvchi qonunni imzoladi Avvallari bunday qoidabuzarliklar uchun jarima miqdori 27 dollardan 55 dollargacha bo‘lgan bo‘lsa, endi tibbiy ko‘rikdan o‘tmagan xorijlik fuqarolar 345 dollardan 690 dollargacha to‘lashlari mumkin Qonunga ko‘ra, jarima o‘z vaqtida to‘lanmasa, uning miqdori ikki baravar ko‘paytiriladi, chet el fuqarosi esa Rossiyadan chiqarib yuborilishi mumkin Bundan tashqari, migrantlarni tibbiy ko‘rikdan o‘tkazish tartibini buzgan shaxslarga nisbatan ma’muriy javobgarlik joriy etildi. Jismoniy shaxslar 345 dan 1 400 dollargacha, mansabdor shaxslar 1 400 dan 2 800 dollargacha, yuridik shaxslar 4 200 dan 14 000 dollargacha jarimaga tortiladi Eslatib o‘tamiz, avvalroq Rossiya Federatsiyasi Federatsiya Kengashi chet elliklar uchun majburiy tibbiy ko‘rikdan o‘tish muddatini mamlakatga kirganidan keyin 90 kundan 30 kungacha qisqartirish to‘g‘risidagi qonunni ma’qullagan edi Yangi talablar 2026 yil 1 sentyabrdan kuchga kiradi Rossiya qonun chiqaruvchi organi faoliyatini tahlil qiluvchi DumaBingo veb-sayti 2021 yildan beri Davlat Dumasi 73 ta antimigrant qonun loyihasini ko'rib chiqqanini xabar qildi. Ular orasida 38 ta tashabbus 2024-yilgi “Krokus Siti” teraktidan so‘ng boshlangan va bu Rossiyada immigratsiya nazorati va ksenofobiya kuchayishiga olib kelgan