Rossiya armiyasi Ukrainaga 100 dan ortiq dron bilan hujum qildi

7-mayga o‘tar kechasi Rossiya kuchlari Ukraina hududiga 102 ta dron bilan hujum qildi. Bu haqda Ukraina armiyasi harbiy-havo kuchlari ma’lum qildi va ulardan 92 nafari urib tushirildi Dnepropetrovsk viloyati harbiy boshqarmasi boshligʻi Aleksandr Ganjaning maʼlumotlariga koʻra, tunda Dnepr shahriga uyushtirilgan hujum oqibatida ikki kishi yaralangan Nikopol tumanida savdo markazlari, ko‘p qavatli uylar, yoqilg‘i quyish shoxobchasi, cherkov va avtomobillarga zarar yetgan. 60 yoshli erkak jarohatlangan Sumi viloyatining Stepanovka qishlog‘ida Rossiya kuchlarining uchuvchisiz samolyoti tinch aholi avtomobilini urib yubordi. Bu haqda viloyat harbiy boshqarmasi boshlig‘i Oleg Grigorov ma’lum qildi "Haydovchi mashinada bo‘lmagan. O‘sha paytda u kofe olish uchun chiqqan. Bu uning hayotini saqlab qoldi. Ammo u jarohat oldi", deb yozadi Grigorov Shu bilan birga, Latviya hududiga ikkita dron kirib kelgani xabar qilingandi. Ulardan biri bo‘sh bo‘lgan neft omboriga borib urilgan. Dronlarning Rossiya yoki Ukraina armiyasiga tegishli ekanligi ma’lum emas