Surxondaryodagi suv omborida qayiq ag‘darilib ketishi oqibatida bir kishi cho‘kib ketdi (video)

Surxondaryo viloyati Qumqo‘rg‘on tumanidagi suv omborida qayiqning ag‘darilishi oqibatida bir kishi cho‘kib ketdi. Voqea haqida viloyat favqulodda vaziyatlar boshqarmasi xabar berdi Boshqarma ma’lumotlariga ko‘ra, soat 17:30 atrofida. Shu yilning 1 iyun kuni viloyat favqulodda vaziyatlar boshqarmasiga 112 tizimi orqali Qumqo‘rg‘on tumanidagi Janubiy Surxon suv omborida qayiq ag‘darilib ketgani haqida xabar kelib tushgan Voqea joyiga qutqaruvchilar yetib kelganida, suv omboriga tushib ketgan besh kishidan to‘rt nafari qirg‘oqqa suzib chiqishga muvaffaq bo‘lgani ma’lum bo‘ldi. Bir kishi suvdan chiqa olmay, cho‘kib ketgan. Qutqaruvchilar zudlik bilan suv omborida keng ko‘lamli qidiruv ishlarini boshladi Hozirda voqea joyida Qumqo‘rg‘on tuman prokuraturasi, ichki ishlar bo‘limi va favqulodda vaziyatlar bo‘limi tomonidan hodisa sabablari o‘rganilmoqda Eslatib o‘tamiz, avvalroq, 31-may kuni Samarqand viloyatining Paxtachi tumanida sakkiz kishi bo‘lgan elektr moped kanalga tushib ketgan edi. Sakkiz kishidan to‘rt nafari aholi tomonidan qutqarilgan, qolgan to‘rt nafari halok bo‘lgan