Rasmiy: O‘zbekiston Gonkong bilan vizasiz rejim joriy qiladi

O‘zbekiston Prezidenti Shavkat Mirziyoyev 4-iyun kuni Xitoyning Gonkong maxsus ma’muriy hududi ijrochi rahbari Jon Li Ka Chiu boshchiligidagi delegatsiyani qabul qildi. Bu haqda Prezident matbuot xizmati xabar berdi Uchrashuv avvalida Li Ka Chiu O‘zbekiston rahbariga XXR Raisi Si Szinpinning salomi va ezgu tilaklarini yetkazdi Uchrashuvda O‘zbekiston-Xitoy hamkorligini, jumladan, Gonkong bilan mintaqalararo almashinuv va amaliy hamkorlikni kengaytirish orqali yanada rivojlantirish masalalari muhokama qilindi Tomonlar O‘zbekiston va Xitoy o‘rtasidagi yangi davr uchun do‘stlik va har tomonlama strategik sheriklik munosabatlari keyingi yillarda misli ko‘rilmagan darajaga ko‘tarilganini katta mamnuniyat bilan qayd etdilar Yuqori darajada erishilgan kelishuvlar izchil amalga oshirilmoqda. May oyida Pekinda Hukumatlararo komissiya yig'ilishi muvaffaqiyatli bo'lib o'tdi, Sian shahrida uchinchi Mintaqalararo forum bo'lib o'tdi. Gonkongda ham iqtisodiy forum va sanoat ko‘rgazmasi bo‘lib o‘tdi, unda O‘zbekiston savdo uyi ochildi O‘zbekiston hududlari va Gonkong o‘rtasidagi iqtisodiy hamkorlikni rivojlantirish uchun mavjud salohiyatdan samarali foydalanishga alohida e’tibor qaratildi. Gonkong biznes vakillaridan iborat katta delegatsiyaning Toshkentga tashrifi bu boradagi hamkorlikni yanada rivojlantirishga xizmat qilishiga ishonch bildirildi Har tomonlama hamkorlik dasturini qabul qilish muhimligi ta’kidlandi. Dastur savdo-iqtisodiy va moliyaviy aloqalarni kengaytirish, sanoat kooperatsiyasini yoʻlga qoʻyish, taʼlim, turizm va biznes almashinuvini rivojlantirish, fuqarolar uchun toʻgʻridan-toʻgʻri aviaqatnovlar va konsullik xizmatlarini yoʻlga qoʻyishga qaratilgan Yashil energiya, qishloq xoʻjaligi, biotexnologiya, raqamli iqtisodiyot, fintech, innovatsion startaplar, sunʼiy intellekt va boshqa sohalar ustuvor yoʻnalishlar sifatida belgilandi Tomonlar hamkorlikning ustuvor yo‘nalishlari bo‘yicha qo‘shma “yo‘l xaritasi”ni qabul qilish, ishbilarmonlar kengashini tashkil etish, yaqin kelajakda Gonkong bilan ikki tomonlama vizasiz rejim joriy etishga kelishib oldilar Avvalroq O‘zbekiston Tashqi ishlar vaziri Baxtiyor Saidov Toshkentda Gonkong maxsus ma’muriy hududi ijrochi rahbari Jon Li Ka Chiu bilan uchrashgan edi. Uchrashuvda tomonlar oʻzaro vizasiz rejim oʻrnatish boʻyicha hukumatlararo bitim tuzish niyatlari haqida ogʻzaki notalar almashdilar