Nurdan O‘runtayev Oltoy shaharchasi qurilishining borishi bilan tanishdi

Qirg‘iziston qurilish, arxitektura va uy-joy kommunal xo‘jaligi vaziri Nurdan O‘runtayev Bishkek shahrida barpo etilayotgan Oltoy shaharchasi qurilishining borishi bilan tanishdi Ishchi tashrif chog‘ida vazirga loyihani amalga oshirishning joriy bosqichi, muhandislik-tayyorgarlik ishlarining bajarilishi hamda ob’ektlar qurilishining borishi haqida ma’lumot berildi, deb xabar beradi Qurilish vazirligi Nurdan O‘runtayev qurilish-montaj ishlari sifati va tasdiqlangan qurilish jadvaliga rioya etilishini har kuni nazorat qilish bo‘yicha topshiriq berdi. Qolaversa, har bir qurilish obektida mas’ul mutaxassislar tomonidan bajarilgan ishlar bo‘yicha o‘z vaqtida hisobotlar taqdim etilishi doimiy nazoratga olinishi zarurligini ta’kidladi Vazir, shuningdek, kvartiralarni sotishni faqat qurilish ishlari boshlangan va faol bosqichda bo‘lgan massivlarda amalga oshirish bo‘yicha topshiriq berdi. Mazkur chora fuqarolar manfaatlari va xavfsizligini ta’minlashga qaratilgan Ayni kunga qadar 600 ga yaqin massivda drenaj tizimlarini o‘rnatish ishlari yakunlandi. Shu bilan birga, mustahkamlash qafaslarini to'qish va keyingi betonlash uchun poydevor tayyorlash ishlari olib borilmoqda Ta'kidlash joizki, Oltoy shaharchasi mamlakatdagi eng yirik uy-joy qurilishi loyihalaridan biri bo'lib, 234 gektar maydonni egallaydi. Loyihaga ko‘ra 1551 ta besh qavatli ko‘p xonadonli uy-joy qurish ko‘zda tutilgan. Hammasi bo'lib 34 mingdan ortiq turli rejadagi kvartiralar rejalashtirilgan bo'lib, umumiy qurilish maydoni 1 million 7 ming kvadrat metrdan oshadi Loyihaga koʻra, shaharchada ijtimoiy infratuzilma obʼyektlari, jumladan, maktablar, bolalar bogʻchalari, poliklinikalar, shifoxonalar, reabilitatsiya markazlari, ichki ishlar organlarining hududiy boʻlinmalari, shuningdek, yongʻin xavfsizligi va qutqaruv xizmati markazlari qurilishi koʻzda tutilgan