Bolgariyaning yangi hukumati Ukrainaga qurol yetkazib bermaydi

Bolgariya mudofaa vaziri Dimitar Stoyanov mamlakat endi Ukrainaga harbiy yordam bermasligini aytdi. Bu haqda u Sofiyada o‘tkazilgan matbuot anjumanida ma’lum qildi, deb xabar beradi BTA Bolgariya Mudofaa vazirligi rahbari Ukrainadagi urushni jang maydonida hal qilib bo‘lmasligini ta’kidlab, jangovar harakatlarni to‘xtatish uchun muzokaralar olib borishga chaqirdi. "Ukrainadagi urush jang maydonida hal etilmasligini allaqachon ochiq aytgan edik. Biz xandaq urushini ko'ryapmiz, qancha qurol to'plangan bo'lmasin, undan faqat insonlar halok bo'ladi. Muzokaralar stoliga o'tirish vaqti keldi, adolatli tinchlik izlash vaqti keldi, buni har ikki tomon hal qilishi kerak", - dedi Stoyanov Vazir bu jarayonda Yevropa Ittifoqining o‘rni nihoyatda muhim ekanini ta’kidladi. U, shuningdek, Bolgariya Ukraina armiyasini qurol-yarog‘ bilan ta’minlamasligini ma’lum qildi "Ukrainaga qurol emas, odamlar kerak. Uning qurol-yarog‘i yetarli, shuning uchun biz Ukraina armiyasini qo‘shimcha qurollar bilan ta'minlashni rejalashtirmayapmiz", - dedi Stoyanov 2022 yildan beri Bolgariya Ukrainaga 13 ta harbiy yordam paketini taqdim etdi, biroq ularning narxi va mazmunini sir tutdi. 2026 yil mart oyida Bolgariya Ukraina uchun Amerika qurollarini sotib olish bo'yicha PURL tashabbusiga qo'shildi Aprel oyida Bolgariyada bo‘lib o‘tgan parlament saylovlarida rossiyaparast sobiq prezident Rumen Radev boshchiligidagi “Progressiv Bolgariya” partiyasi g‘alaba qozongan edi. O‘tgan oy Radev Yevropa Ittifoqi Ukrainadagi urushni tugatish bo‘yicha Rossiya bilan muzokaralarda yetakchilik qilishi kerakligini aytgan edi