Jizzaxga yangi prokuror tayinlandi

Akbar Sakiyev 10 iyun kuni Jizzax shahar prokurori etib tayinlandi, deb xabar qildi viloyat hokimligi matbuot xizmati Xabarga ko‘ra, Jizzax shahar hokimligi majlislar zalida viloyat prokuraturasi tizimidagi muhim tashkiliy masalalarga bag‘ishlangan yig‘ilish bo‘lib o‘tdi. Jizzax viloyat prokurori Baxtiyor Ibrohimov raisligida o‘tkazilgan yig‘ilishda Jizzax shahar prokurori lavozimida ishlab kelgan Muzaffar Mamatovich Mamatov o‘zining yuksak faoliyati va kasbiy mahoratini e’tirof etib, Jizzax viloyati prokurori o‘rinbosari etib tayinlandi Bunga qadar Mirzacho‘l tumani prokurori lavozimida samarali ishlab kelgan Sakiyev Akbar Hosilbekovich Jizzax shahar prokurori etib tayinlandi Yig‘ilish so‘ngida yangi tayinlangan mutasaddilarga kelgusi faoliyatida ulkan muvaffaqiyatlar, mas’uliyatli vazifalarni sidqidildan bajarish, mamlakatimiz taraqqiyoti va qonun ustuvorligini ta’minlashga hissa qo‘shishda davom etishlari tiladi Eslatib o‘tamiz, avvalroq Otabek Akbarovich Xolboyev O‘zbekiston Bosh prokurori o‘rinbosari va O‘zbekiston harbiy prokurori lavozimidan ozod etilib, uning o‘rniga Qahramon Isroilov tayinlangan edi