Netanyaxu Trampga: Biz Livanni tark etmaymiz

Isroil o'z qo'shinlarini Livandan olib chiqish niyatida emas va Hizbullohga qarshi operatsiyalarni davom ettiradi Bu haqda Isroilning “Ynet” nashri hukumatdagi manbalariga ko‘ra, bosh vazir Benyamin Netanyaxu AQSh prezidenti Donald Tramp bilan suhbatda ma’lum qildi, deb xabar beradi Modern Manbalarga ko‘ra, Netanyaxu AQSh va Eron o‘rtasidagi Livan bo‘yicha kelishuv bandlarini Isroil uchun majburiy deb hisoblamaydi. Uning aytishicha, Isroil Hizbullohga qarshi harakat erkinligini cheklaydigan hech qanday kelishuvni qabul qilmaydi Eslatib o‘tamiz, Pokiston bosh vaziri Shahboz Sharif AQSh va Eron o‘rtasida muvaqqat tinchlik kelishuviga erishilgani va tomonlar barcha jabhalarda, jumladan, Livanda ham harbiy harakatlarni zudlik bilan va to‘liq to‘xtatish bo‘yicha kelishib olganini ma’lum qilgan edi Ynet nashrining yozishicha, Isroilning yuqori martabali rasmiylari Livan haqidagi qoidani Isroil uchun prinsipial masala deb atagan “Agar bizdan qo‘shinlarimizni Livandan olib chiqib ketish so‘ralsa, bu biz chekinmaydigan masalalardan biri bo‘ladi”, — dedi nashr suhbatdoshlaridan biri Rasmiylardan birining ta'kidlashicha, Netanyaxu Eronning bu yo'nalishdagi talablarini qat'iyan rad etadi va AQSh ma'muriyati ham Isroil bu mavzuni muhokama mavzusi deb hisoblamasligini tushunadi Isroil Milliy xavfsizlik vaziri Itamar Ben-Gvir ham AQSh-Eron kelishuvi Isroil uchun hech qanday qonuniy majburiyat yaratmasligini aytdi "Isroil bu kelishuvning aʼzosi emas. Bu kelishuv Isroilni hech qanday tarzda bogʻlamaydi", - dedi u Vazirning soʻzlariga koʻra, Isroil Hizbullohni toʻliq qurolsizlantirishdan boshqa narsaga rozi boʻlmasligi kerak “Biz jangchilarimiz nazoratga olgan va terrorchilik infratuzilmalaridan tozalangan hech bir hududdan chekinmasligimiz kerak”, — dedi Ben-Gvir U, shuningdek, Donald Trampga minnatdorchilik bildirganini, biroq Isroil AQShga tobe emasligini aytdi "Isroil davlati banan respublikasi emas va hech kimga bo'ysunmaydi"