Toshkent viloyatida haydovchining mashinasidan 9 kg ga yaqin giyohvand moddalar topildi

Toshkent viloyatida avtomashina yukxonasida salkam 9 kilogramm giyohvandlik moddasini olib ketayotgan shaxs qo‘lga olindi. Bu haqda Davlat xavfsizlik xizmati xabar berdi Xabarga koʻra, Toshkent-Fargʻona yoʻnalishida harakatlanayotgan “Tracker” rusumli avtomashina yoʻl-patrul xizmati postida toʻxtatilgan Avtotransport vositasini Farg‘ona shahrida yashovchi, muqaddam JKning 166-moddasi, ya’ni talonchilik jinoyati bilan sudlangan, 1990-yilda tug‘ilgan fuqaro boshqargan. Xolislar ishtirokida avtomashina ko‘zdan kechirilganda, avtomashina ichidan haydovchi tomonidan shaxsiy foydalanish uchun saqlanayotgani aytilgan 1,72 gramm giyohvandlik moddasi topilgan. Navbatdagi tekshiruv chog‘ida 8 kilogramm 913 gramm gashish giyohvandlik moddasi aniqlandi Tergovga qadar o‘tkazilgan surishtiruv natijasida ushbu shaxs giyohvand moddalarni qo‘shni davlatdan narkokurerlar tomonidan Toshkent viloyatiga olib o‘tib, doimiy yashash joyiga ketayotganidan keyin olganligi aniqlangan Unga nisbatan jinoiy ish ochilgan Eslatib o‘tamiz, avvalroq Farg‘ona viloyatida Qirg‘izistondan kontrabanda yo‘li bilan olib kelingan 2 kilogrammdan ortiq gashish va 5600 dona psixotrop tabletkalarni sotishga uringan shaxs qo‘lga olingani haqida xabar berilgan edi