Ozarbayjonda 6 oy ichida zararsizlantirilgan yirik DDoS hujumlari soni ma’lum qilindi

Oxirgi olti oy davomida mamlakatda 200 ta yirik DDoS hujumlari zararsizlantirildi, zararli kontentni tarqatuvchi 2 mingta resurs cheklandi, 1,5 milliondan ortiq axborot sizib chiqishi holatlari aniqlandi, 160 ming botnet tugunlari infektsiyasining oldi olindi Bu haqda Raqamli rivojlanish va transport vaziri o‘rinbosari Samaddin Asadov Bokuda bo‘lib o‘tgan IV Milliy kiberxavfsizlik forumining rasmiy ochilish marosimida aytib o‘tdi Unga ko‘ra, milliy darajada kiberxavfsizlik sohasida axborot almashinuvini ta’minlash va axborot makonini zamonaviy tahdidlardan himoya qilish uchun yagona kiberxavfsizlik platformasi yaratilgan. Ayni paytda unga 70 dan ortiq muassasa ulangan va tarmoqni kengaytirish ishlari davom etmoqda Vazir oʻrinbosari soʻnggi uch yilda Ozarbayjon Kiberxavfsizlik markazi 365 ga yaqin mutaxassis tayyorlaganini, ularning 86 foizi ish bilan taʼminlanganini taʼkidladi – Bundan tashqari, davlat va xususiy tashkilotlarda faoliyat yuritayotgan 120 nafar kiberxavfsizlik bo‘yicha mutaxassislar malaka oshirish dasturlariga jalb etildi, 53 ta tashkilotda kiberxavfsizlik bo‘yicha treninglar o‘tkazildi Sameddin Asadovning taʼkidlashicha, kelgusi davrdagi asosiy maqsad Ozarbayjonni yetakchi mintaqaviy kiberxavfsizlik markazlaridan biriga aylantirishdir “Shu maqsadda milliy kiberxavfsizlik imkoniyatlarini mustahkamlash, tahdidlarni tahlil qilish va erta ogohlantirish tizimlarini rivojlantirish, CERT milliy ekotizimini kengaytirish, ilmiy tadqiqotlar, innovatsiyalar va sunʼiy intellekt texnologiyalarini ragʻbatlantirish, shuningdek, yuqori malakali inson kapitalini shakllantirish boʻyicha ishlar davom ettiriladi” Matnda xatolikni sezdingizmi? Matnni tanlang va klaviaturangizda Ctrl + Enter tugmalarini bosib, bizga xabar bering