Vazir o‘rinbosari: Go‘sht narxini ishlab chiqarishni ko‘paytirish va tannarxni pasaytirish hisobiga barqarorlashtirish mumkin

Ozarbayjonda go‘sht bozorida narxlarning barqarorlashishi ishlab chiqarishni ko‘paytirish va tannarxni pasaytirish hisobiga ta’minlanishi kutilmoqda Bu haqda Qishloq xo‘jaligi vaziri o‘rinbosari Zaur Aliyev matbuot anjumanida ma’lum qildi, deb xabar beradi “APA-Economics” Vazir o‘rinbosarining aytishicha, asosiy maqsad go‘sht ishlab chiqarishni ko‘paytirish, mahsuldorlikni oshirish va mahsulot tannarxini kamaytirishdir “O‘ylaymizki, go‘sht tannarxini tegishli darajada shakllantirish hisobiga bozorda barqarorlik ta’minlanadi”, — dedi Zaur Aliyev Uning soʻzlariga koʻra, ayni paytda Ozarbayjonda mol goʻshtiga boʻlgan talabning 83,7 foizi, qoʻy goʻshtiga boʻlgan talabning 94,2 foizi, parranda goʻshtiga boʻlgan talabning 82 foizi mahalliy ishlab chiqarish hisobidan qoplanmoqda Vazir oʻrinbosari Davlat dasturida mamlakatning goʻsht mahsulotlari bilan oʻzini-oʻzi taʼminlash darajasini oshirish koʻzda tutilganini qoʻshimcha qildi Zaur Aliyevning taʼkidlashicha, soʻnggi yillarda dunyoda goʻsht narxining oshishi kuzatilmoqda. Ushbu o'sishga pandemiyadan keyin logistika, ozuqa va boshqa ishlab chiqarish xarajatlarining oshishi ta'sir ko'rsatdi Unga ko‘ra, chorvachilikda asosiy xarajat elementi yem bo‘lib, ozuqa ishlab chiqarish mahsuldorligini oshirish kelgusida go‘sht tannarxini pasaytirish imkonini beradi