Nizomiy nomidagi O‘zbekiston Milliy pedagogika universiteti 8Foundry Alliance tarkibiga kirdi

Universitetda Polshaning 8Foundry Alliance xalqaro klasteri rahbariyati vakillari – rais Rafał Magryś va xalqaro hamkorlik bo‘yicha mutaxassis Piotr Mierzvinski bilan uchrashuv bo‘lib o‘tdi Tadbirda Maktabgacha va maktab ta’limi vaziri o‘rinbosari, Nizomiy nomidagi O‘zbekiston Milliy pedagogika universiteti rektori Hilola Umarova ishtirok etdi Uchrashuvda taʼlim va fan sohasida qoʻshma loyihalarni amalga oshirish, xalqaro grantlarda ishtirok etish, innovatsion ishlanmalarni tijoratlashtirish, akademik almashinuv dasturlarini kengaytirish, texnologiyalar transferini rivojlantirishga doir dolzarb masalalar muhokama qilindi Bu hamkorlik universitet uchun yangi imkoniyatlar ochadi. Jumladan, fakultet professor-o‘qituvchilari va tadqiqotchilar Yevropa universitetlari va tadqiqot markazlari bilan qo‘shma ilmiy loyihalarni amalga oshirishlari, talabalar esa xalqaro loyihalarda ishtirok etishlari, o‘z startap g‘oyalarini xorijiy ekspert va investorlarga taqdim etishlari mumkin bo‘ladi Bundan tashqari, klaster vakillari universitet faoliyati, ta’lim sifati va ilmiy salohiyati bilan yaqindan tanishadilar. Kelgusida tajriba almashish va malaka oshirish maqsadida professor-o‘qituvchilar va talabalarning Polshaga tashriflari rejalashtirilgan – Biz Nizomiy nomidagi O‘zbekiston Milliy pedagogika universitetining xalqaro rivojlanish strategiyasi va innovatsion yondashuvini yuksak qadrlaymiz, – deydi Rafał Magrysh. "Universitetning bizning klasterimizga qoʻshilishi Markaziy Osiyo bilan hamkorlikni mustahkamlashda muhim ahamiyatga ega. Biz bir qancha qoʻshma tashabbuslarni amalga oshirishni rejalashtirganmiz va bu hamkorlik oʻzaro manfaatli natijalar berishiga ishonamiz" M. Xojiakbarova, O‘zA