9-may kuni Moskvada mobil internet butunlay o‘chiriladi

Rossiya Raqamli rivojlanish vazirligi 9-may kuni G‘alaba kuni munosabati bilan o‘tkaziladigan tadbirlarda xavfsizlikni ta’minlash maqsadida Moskvada mobil internet to‘liq cheklanishini rasman ma’lum qildi “Bayram tadbirlari xavfsizligini taʼminlash maqsadida Moskva shahrida mobil internet va SMS xabarlar xizmatlari vaqtincha cheklanadi”, — deyiladi vazirlik xabarida Muassasa, shuningdek, 7—8-may kunlari Rossiya poytaxti xavfsizligiga tahdid tug‘ilsa, internet “shoshilinch ravishda” cheklanishi mumkinligini ta’kidladi 4-maydan telekommunikatsiya operatorlari Moskva va Sankt-Peterburgdagi abonentlarni 5-maydan 9-maygacha mobil aloqa cheklanishi mumkinligi haqida ogohlantira boshladi 4-may kuni Rossiya Mudofaa vazirligi 8-9-may kunlari bir tomonlama o‘t ochishni to‘xtatishni e’lon qildi. Bunga javoban Ukraina prezidenti Vladimir Zelenskiy 6-may yarim tundan boshlab “o‘t ochishni to‘xtatish rejimi”ni e’lon qildi.Ammo uning so‘zlariga ko‘ra, bu rejim Rossiya armiyasi tomonidan deyarli darhol buzilgan Rossiya rasmiylari 6-may yarim tundan beri Kiyevning yarashuv taklifiga rasman javob bermayapti 7-mayga o‘tar kechasi Rossiyaning bir qancha hududlari uchuvchisiz samolyotlar hujumiga uchradi. Rossiya Mudofaa vazirligi 347 ta Ukraina dronlari yo‘q qilinganini ma’lum qildi Bryansk viloyati gubernatori Aleksandr Bogomazning aytishicha, hujum oqibatida 13 kishi jarohatlangan. Tver viloyatining Rjev shahri ham hujumga uchragan Ukraina Telegram kanallari Moskva viloyatining Naro-Fominsk shahridagi Rossiya Mudofaa vazirligiga qarashli “Nara” harbiy-logistika majmuasi nishonga olingani haqida xabar berdi. Bu maʼlumot hali rasman tasdiqlanmagan