TIV: Malayziyada o‘limga hukm qilingan uch nafar O‘zbekiston fuqarosi tirik va ular ozodlikka chiqariladi

O‘zbekiston Tashqi ishlar vaziri matbuot kotibi Omonulla Fayziev Malayziyaga sayyoh sifatida borgan va giyohvand moddalarni olib o‘tgani uchun o‘lim jazosiga hukm qilingan uch nafar O‘zbekiston fuqarosi taqdiri haqida Kun.uz’ga ma’lum qildi Uning so‘zlariga ko‘ra, jazoni o‘tash tartibi va yaxshi xulq-atvori uchun imtiyozlar hisobga olinsa, ushbu fuqarolarning qamoq muddati 2030 yilda tugaydi. Ular hozirda Selangor shtatidagi Kajang qamoqxonasida jazoni o‘tamoqda. O‘zbekiston elchixonasi muntazam ravishda konsullik uchrashuvlari o‘tkazib, ularga zarur huquqiy yordam ko‘rsatib kelinayotganini ma’lum qildi Bu O‘zbekiston fuqarolarining tarixi ilk bor jamoatchilikka SGBning sobiq xodimi O‘ktam Suvonovning “Tabletlik” YouTube kanaliga bergan intervyusidan so‘ng ma’lum bo‘ldi 2010-yil sentabr oyida O‘zbekiston fuqarolari N.S., N.D. va J.J. 12 kilogrammdan ortiq giyohvand moddalarni olib o‘tishga uringanlikda gumonlanib, Kuala-Lumpur xalqaro aeroportida qo‘lga olindi. Malayziya sudi ularni osib o'ldirishga hukm qildi O‘zbekistonning Malayziyadagi elchixonasi 2013, 2014, 2016 va 2020-yillarda afv etish bo‘yicha Tashqi ishlar vazirligi, Bosh prokuratura, Oliy sud va Malayziya Qiroliga qayta-qayta rasmiy so‘rovlar yuborgan 2018 yilda Malayziyada qatllarga moratoriy joriy qilingan. 2024-yilda o‘lim va umrbod qamoq jazosiga hukm qilinganlar ishini qayta ko‘rib chiqish to‘g‘risidagi qonun kuchga kirdi. Malayziya Oliy sudi uch nafar O‘zbekiston fuqarosiga nisbatan o‘lim jazosini 30 yillik qamoq jazosi bilan almashtirdi Azattyk Asia © 2026 RFE/RL, Inc. | Barcha huquqlar himoyalangan