Ozarbayjon Tashqi ishlar vazirligi Fransiya vazirining bayonotiga javob qaytardi

Biz Fransiyaning Yevropa va tashqi ishlar vaziri Jan-Noel Barrotning 6 may kuni Fransiya Senatida Ozarbayjonga qarshi qilgan bayonotlarini keskin rad etamiz. Bu haqda Ozarbayjon Tashqi ishlar vazirligi matbuot kotibi Ayxan Hajizoda ma'lum qildi Uning soʻzlariga koʻra, Fransiya vazirining Ozarbayjonning suveren hududi boʻlgan Qorabogʻ mintaqasiga nisbatan “Togʻli Qorabogʻ” iborasini qoʻllashiga yoʻl qoʻyib boʻlmaydi “Ozarbayjon tomonidan oʻz suveren hududlarida xalqaro huquq normalari va tamoyillariga muvofiq olib borilgan adolatli urushdan soʻng mintaqada barqaror tinchlik oʻrnatish uchun shart-sharoit yaratilgan bir paytda biz frantsuz tomonining Ozarbayjonning oʻz hududlari ustidan suverenitetini, shuningdek, uning madaniy va diniy merosi xavfsizligini shubha ostiga qoʻyuvchi bunday provokatsion bayonotlarini keskin qoralaymiz Fransiya vaziri Armaniston ishg‘oli davrida Ozarbayjon hududlarida yuzlab masjidlar va boshqa madaniy meros namunalari vayron qilingani faktiga e’tibor bermay, ishg‘ol qilingan paytdan qolgan ayrim binolarni buzish masalasiga izoh berib, Xalqaro sudda ko‘rib chiqilayotgan jarayonga o‘rinsiz ishora qilmoqda. Bu ikki tomonlama yondashuvning yorqin namunasidir”, — dedi TIV vakili Hojizoda Ozarbayjonning suveren hududlarida joylashgan tarixiy va diniy yodgorliklar mamlakat milliy madaniy merosining bir qismi bo‘lib, kelib chiqishi, dunyoviy va diniy mansubligidan qat’i nazar muhofaza qilinishini ta’kidladi "Fransiyaning Ozarbayjonning Qorabogʻ mintaqasiga YUNESKO baholash missiyasini yuborish haqidagi chaqiriqlari haqiqatning ochiqdan-ochiq buzib koʻrsatilishidir. Aynan Ozarbayjon bunday baholash missiyalarini amalga oshirishga bir necha bor murojaat qilgan, ammo, afsuski, Armaniston va Fransiya kabi mamlakatlarning maʼlum toʻsiqlari tufayli ularni amalga oshirish imkonsiz boʻlib qolgan Fransiya vazirining bunday bayonotlari mintaqada barqaror va haqiqiy tinchlik o‘rnatishga xizmat qilmaydi”, — deya qo‘shimcha qildi u