10 kg kumushni noqonuniy sotishga uringan shaxs ushlandi

Toshkent viloyatining Zangiota tumanida 10 kilogramm kumushni noqonuniy sotishga uringan shaxs qo‘lga olindi, deb xabar berdi Davlat xavfsizlik xizmati Agentlik xabariga ko‘ra, Toshkent shahrida yashovchi 1992-yilda tug‘ilgan umumiy og‘irligi 10 kilogramm 35 gramm bo‘lgan 13 dona kumushni yashirin xaridorga 20 800 AQSh dollariga sotayotgan vaqtida ashyoviy dalil bilan qo‘lga olingan. Tegishli baholash hisobotiga ko‘ra, metallning umumiy qiymati 235,229 mln Tergovga qadar o‘tkazilgan tekshirish chog‘ida ushbu shaxs zargarlik buyumlari ishlab chiqarish bilan shug‘ullanuvchi mas’uliyati cheklangan jamiyat xodimi ekanligi aniqlangan. Shuningdek, korxonada qimmatbaho metallarni ruda konsentratidan yoki ikkilamchi xomashyodan tozalash, yuqori sof metallni turli xil kimyoviy aralashmalardan ajratish bilan bog‘liq qayta ishlash faoliyatini amalga oshirish uchun ruxsatnomasi bo‘lmasa-da, oltin va kumush mahsulotlari qayta ishlanayotgani aniqlandi Shuningdek, ayni manzilda umumiy qiymati 3 milliard 483 million so‘mlik 58 kilogramm kumush va 2,2 kilogramm oltin topilgan. Mazkur shaxsga nisbatan jinoyat ishi qo‘zg‘atilib, tergov harakatlari olib borilmoqda Avvalroq Toshkent aeroportida 2 kilogrammga yaqin oltinni noqonuniy ravishda Dubayga olib ketmoqchi bo‘lgan shaxslar qo‘lga olingan edi