Tojikistonda kuchli yomg‘ir va sel ko‘chkilari uylarni suv bosdi va infratuzilmaga zarar yetkazdi

Tojikistonda 30-aprel kuni kuchli yog‘ingarchilik natijasida o‘nlab turar-joy binolari va tomorqa yerlarini suv bosdi.Hokimiyat yetkazilgan zarar ko‘lamini baholamoqda, deya xabar beradi “Ozodlik” radiosining tojik xizmati Tojikiston Favqulodda vaziyatlar qo‘mitasiga tayanib Boshqarma maʼlumotlariga koʻra, yomgʻir natijasida ikki tibbiyot muassasasining yertoʻlalari, jumladan, Dushanbedagi 1-sonli tugʻruqxona va tez tibbiy yordam shifoxonasi suv ostida qolgan. Shaharning bir qator ko‘chalaridagi turar-joy binolariga ham suv kirib kelgan Rudakiy tumanida umumtaʼlim maktabi binosi, bir qator qishloqlarda shaxsiy tomorqa va yertoʻlalar suv ostida qolgan. Aholi punktlaridan birida xo‘jalik inshootlari, yoqilg‘i quyish shoxobchasi, g‘isht zavodi va 50 gektardan ortiq qishloq xo‘jaligi yerlari zarar ko‘rgan Sel oqimi Hisor tumaniga ham ta’sir qilgan, qishloqlardan birida yo‘lning 200 metrga yaqin qismi loyga to‘lib qolgan. Yana bir mahallada maktab binosiga suv va loy kirib kelgan, o‘quvchilar xavfsiz joyga evakuatsiya qilingan Xatlon viloyatida turar-joy binolari, yo‘llar va qishloq xo‘jaligi yerlariga zarar yetgan. Dang‘arada, rasmiy ma’lumotlarga ko‘ra, 30 dan ortiq uy zarar ko‘rgan So‘g‘d viloyatida Isfara shahrida uylar va infratuzilmaga zarar yetganligi, bu yerda avtomobil ko‘prigi ham shikastlangani xabar qilingan. Bobojon G‘ofurov tumanida sel oqibatida aholi tomorqalari, yordamchi inshootlar va qishloq xo‘jaligi yerlari, jumladan, g‘alla, kartoshka va paxta ekinlari zarar ko‘rgan Favqulodda vaziyatlar qoʻmitasining xabar berishicha, ayni paytda daryolarda suv sathi nazoratga olingan, barcha yoʻl va dovonlar ochiq, transport harakati taʼminlangan. Qutqaruv xizmatlari ofat oqibatlarini bartaraf etishda davom etmoqda Azattyk Asia © 2026 RFE/RL, Inc. | Barcha huquqlar himoyalangan